السلام عليكم

اولا مباركه للجميع على نزول قرار تعيينهم واسمائهم المعيّنه بوزارة التربية والتعليم..

وجعلها الله مصدر خير وسعاده للجميع..
بالنسبه يااخوان لبعض الاستفسارات فأنا بقدم نصيحه او رأي اريد بها الخير والفائده.
فكل شخص يسعى لوظيفته فهي اصبحت بين يديه وكلها اسبوع او بالكثير عشرة ايام ان شاءالله ويباشر وظيفته :

انا انصح كل من نزل قرار تعيينه وعرف وين مدينة وظيفته أن يتوجه لإدارته ويتوكل على الله ,,لأنه من المؤكد وصلهم صورة خطاب قرار التعيين ووصلهم كشف بأسماء المعينين وارقامهم الوظيفيه بكل الادارات وكل اداره بيكون لها تكتيك معين في اكمال اجراءات المباشره..,,
يعني حتى لو رحت وقالو تعال بكره او بعده وكمل بعض الاوراق فهذا شئ ممكن يصير,وممكن يعطوك اوراق بنفس اللحظه ووممكن بيومين,لكن المفترض والمنطقي تسليمها لك اول ماتروح لهم وعلى باال تاخذ في تخليصها كم يوم تكتمل تجهيزاتهم للتحويل للمدارس وهكذا..

الشاهد : ((رح شف امورك وجها"لوجه وشف وش انت عليه حتى لو فيه تكليف على نفسك والله يعينك دامك متمسك بوظيفتك لأنك أصبحت معيّن برقم وظيفي وانت على وشك المباشره على خير ان شاءالله)) ،إلاّ من جائهم رسائل عالجوال من اداراتهم فهم اختلفو قليلا" لكون اداراتهم تواصلت معهم عالجوال سريعا بتكتيك خاص فيما بينهم ولكن الروحه للاداره ايضا ايجابيه لهم من وجهة نظري.

(((بالنسبه لقرار تعديل المهنه فهو يكون موجه من الاداره تبعك كخطاب لمدير الاحوال,,تاخذ الخطاب وتذهب للاحوال ويتم تعديلها بنفس الوقت وبدون ماتاخذ موعد...يعني تروح لمكتب مدير الاحوال على طول لأن الخطاب رسمي..وبعد التعديل سيكون المسمى (موظف حكومي) ويعطوك برنت بهذا لتسليمه لادارتك التعليميه كإثبات تعديل مهنه.
بالنسبه للفحص الطبي يعطوك اوراق للكشف وتذهب لايّ مستشفى حكومي تففضله وتاخذ منك تقريبا يومان فحوصات بسيطه ونتائج اليوم الثاني يتم تعبئتها في نفس الاوراق التى معك والختم عليها من ادارة المستشفى او المركز.
وآخيرا هناك تعبيئة نماذج فالاداره كمعلومات للملف الوظيفي وهكذا, والصور الشمسيه مطلوبه وهذا شئ طبيعي..)))

غير كذا مافيه شئ إلا المباشره في المدرسه المحول اليها الموظف...وبداية الدوام بمشيئة الله

وربنا يكتب لنا ولكم كل خير