اقتباس:
المشاركة الأصلية كتبت بواسطة ديزفو
وعليكم السلام
هلا فيك ياحلوه بقولك عن تجربتي بهالخصوص طبعا بطلته من زمان بس عشان تشوفين وين الايجابيات والسلبيات
لفترة قديمه اشتغلت على تصميم المواقع والمنتديات والشغله مربحه نوعا ما وانا بالبيت
بس الشي المتعب فيه ان اغلب التعاملات كانت مع الشباب وعاد تعرفين مرات يتميلحون ومرات يقلون ادبهم لان كنت اتفق معهم بالمسن الحل الاسرع بدال الجوال
في بالبدايه كنت اطلب منهم يرسلون تفاصيل الطلب من التصميم / الالوان / الصور ع الايميل
بس بالغالب هم يبغون الطريقه الاسهل في التواصل عشان كذا فتحت المسن
بس لما حسيت انه شي متعب جدا رحت اتفقت مع شخص صاحب استضافة التواصل بشكل مباشر معه وهو اللي يتفق مع الزبون على كل شي ويرسلي الطلب بالايميل
الدفع يكون نص المبلغ مقدم / وبعد الانتهاء من تركيب التصميم ع الموقع يدفع الباقي
قبل كان تصميم منتدى كامل ب300 ريال اخذ منه فقط 150 والنص الثاني لصاحب الاستضافه عشان هو اللي يجيب لي الزباين
حاليا مدري عن الاسعار وين وصلت لاني من زمان بطلتهم بس دايما ابدي بنفسك حاولي تسوين اعلانات بالمنتديات التجاريه ومن ضمنهم هنا فيه قسم خاص للتجاره
اعملي لك لوقو خاص
حددي الخدمات تبعك
الاسعار
طريقة الدفع
طريقة التواصل
بعدها راح تكسبين علاقات ممكن انها تخدمك في مجالك وتخليه في نطاق اوسع
وموفقه يارب
|
ممتاز ردك ووافي
هذا بالاضافه إلى ان بعض اصحاب المنتديات لما يجون يصممو يطلبونك ديزاين ومعين ولما تسويه ينسحبون بكل وقاحه ويقولون مو عاجبهم
وهذا الشيء قطعته انا واختي بأخذ العربون مقدماً منهم حتى بعد مانتعب مايجي يتفلسفون علينا ويرفضونه ويكونون مجبرين ياخذونه
لان البعض منهم للأسف مايقدر التعب اللي نتعبه عشان نصمم ديزاين خاص وفق ذوقه ورغبته
والان الاسعار وصلت 800 وبعض اصحاب المنتديات فيهم سخاء وممكن يدفع اكثر من 800 مقابل تسوين لهم تصميم ع المزاج
ورايق ومثل مايحبون وطبعاً سعر الشغل يرجع لحسب احترافيتك لهذي المهنه ومدى جدارتك فيها