اقتباس: المشاركة الأصلية كتبت بواسطة روح حره وتأتي هذه الخطوة من أجل إيجاد حل نهائي لإيقاف تسرب المعلمات والمعلمين من المدارس الأهلية فور الإعلان الرسمي تــــســـــرب !!!! حشى ، يتكلمون عن أسطوانات غاز مو أوآدم !!؟؟ الـ " تسرب " على قولتهم بيصير في المدارس الأهليه مو بسبب إعلان المفاضلة، لا والله ... بيصير من "مهزلة" الرواتب اللي حاصله واللي لحد ألحين يأجلون المكرمة ومو راضين يطبقونها عسى يتطبق فوق راسهم قدر من قدور أمي أجل معلمة تكرف من 6 ونص لحد 2 الظهر وما توصل البيت إلا وكراعينها ترقلْ تقول سيكل منحله صواميله وراتبها في أحسن المدارس 1800 !!!؟؟؟؟؟؟؟؟ لا، ويمنون به بعد، ولو أشتكت من التعب قالوا أحمدي ربك، غيرنا يصرفون راتب 1300 ...!!!! والله ثم والله هالشي حصل مع قريبتي حسبي الله ونعم الوكيل خل يعلنونها قريب أحسن لهم، لا والله أخم أمي وجدتي ونسنتر عند بوابة الخدمة المدنية وأخلي جدتي تشيل لهم شيلة من شيلات تركي الميزاني، عاد لو يسمع الوزير صوتها قسم لا يقول لي "بوظفك بس خلي جدتك توقف" ******** مكينة جمس 89 مو حنجره عندها الله مير يسلمها ربي يفرحني معاكم خواتي، قولوا آمييين دُمــــتــــــم يَ بطاليات هههههههههههههههههههههههههههه الله يسعدك انا ضحكت ع كلامك ضحك هستيري تخيلت الموقف اللله يحفظ لك امك وجدتك لاتنسين تناديني وقت ماتروحون بردد معكم وبطق ع قدور عشان يقدمون استقالتهم ونرتاح منهم
