نصيحة : لا تعتقدون إن لو وفرنا للصغار سواء الأولاد أو البنات أجهزة كفية مثل الآيباد و الآيبود أو الجوالات بحجة إن عيال عمهم بنات عمهم عيال خالهم أو بنات خالتهم أو ... أو ... إلخ ...... بكذا نكون رفهناهم أو أسعدناهم أو بكذا نكون مثلنا مثل الناس هذا خطأ كبير ترى هالأطفال الصغار تراهم صاروا يعرفون كل شيء و البلاوي فيها صارت سهلة من صور و مقاطع و تعارف .... فيه واحد من الشباب يحكي و يقول تعرفت على وحده و كلامها كان حلو و أشعار و كلام كبير و أغلبه حزن في حزن و في النهاية تطلع بنت عمرها 14 سنة !!!! كانت مفاجأة و صدمه له ... عشان كذا ترى هالأجهزة خطيرة في يد الصغار ... يبغالهم توعيه ... و يبغالهم إرشاد و متابعه لأننا لو وفرناها لهم من دون رقيب و حسيب حنا بكذا ما رفهناهم ترى حنا ضيعناهم .... خبرني واحد يقول لي زوجتي تقول إن العيال يبون مثل هالأجهزة قلت له لأ لا تشتري لهم .... و ترى ما راح يموتون ... تعرفون كم اعمارهم ؟ أكبر بنت عنده توها دخلت الروضة


الله يحفظنا و ياكم من فتن هالدنيا

سبحانك اللهم و بحمدك أشهد أن لا إله إلا أنت أستغفرك و أتوب إليك
اللهم صلِّ و سلم و بارك على نبينا و حبيبنا محمد صلى الله عليه و سلم