[align=center]
آآآآه يا الغبن
و الله ما يحس فينا إلا اللي عانى معاناتنا يا الإداريين
صراحة اللي قاعد يصير قلة حياء
ولا اللوم الوزارات و المؤسسات الحكومية يوم أنها ما ترسل الشواغر على وزارة الفشل
لأنهم بيعانون من الانتظار مثلنا غير كذا عارفين أن ما فيها عدل و أنهم بيجبون لهم ناس غير مؤهلين
هالوزارة ما تعرف تفاضل أصلن
وش أقول وش اخلي بس
و الله العظيم شيء يقهر
أنا كنت اسمع عن هالوزارة و مماطلتها و مشاكلها لما كنت ادرس بس لما تخرجت جات الأوامر الملكية و جا نظام (جدارة ) قلت نظام جديد و أن شاء الله بيتعدلون و بيصير فيه تغيير
و ابد لا جديد هذا حسينوه و هذي خلاقينه
و شوف كيف إعلان مواعيد و عدم التزام فيها و حجج تبين فشلهم قال أن فيه ناس ما أكملوا بياناتهم بشكل صحيح
مع احترامي لناس ذولي لكن يا وزارة الفشل اللي ما يعرف يدخل بياناته و يكملها مع احترامي له لا يستحق انه يتوظف كإداري و أنا ما أقول يُحرم من الوظيفة لكن فاضلو على اللي بياناتهم مكتملة و رشحو منهم الين اللي ما كمل يكمل في المفاضلة اللي بعدها (هذا أن كانكم صادقين بالعذركم هذا في سبب تأخير ظهور النتائج ) لكنه في الحقيقة عذر أقبح من ذنب
المصداقية معدومة
و شوف دليل أنها وزارة ما تقدر الناس المستحقين و المؤهلين
أنا متقدمة و أنا الأولى على دفعتي في الحاسب و معاي دبلوم لغة انجليزية و شهادات أخرى و رغبات الأماكن مختارة مناطق تبعد عن الرياض بالثلاث و الأربع ساعات و رغم كذا ما طلع اسمي و من أول ما فتح جدارة قدمت عليه و من الصيف و أنا انتظر ترشيحات < متفائلة كثير < لكن ما لقيت غير التأجيلات و الصدمة بعد الانتظار يقولون أرجعوا ادخلوا بياناتكم من جديد
فيه اكثر من كذا فشل
و تتفاجأ بقرارات جديدة غريبة عجيبة فجئه يلغون الخبرات و الدورات و شهادة ICDL ما نعترف فيها نبي كامبردج
يعني الحين اللي عنده خبرة وكان متعاقد مثل حالات أختي ينقع خبراته و يشرب مويتها و الدورات اللي دفع عليها من جيبة كذلك
يعني ما فيه عدل عجيب (قطاع يطالب بالخبرات و قطاع يلغيها )
لكن غلطتي أني تأملت في هالوزارة من أول ما تخرجت ولـا لو أني أشتغلت بقطاع خاص أو مدارس أهلية كان أشغلت نفسي و استفدت بدل انتظار هالوزارة
ياليتهم كانوا صريحين و قالوا أنا مانقدر نوظفكم أو أن عليكم الانتظار كم سنة علشان تشوفون ترشيحات و الله صرت أتمنى تطلع النتائج حتى لو أسمي مو معهم أهم شيء أشوف فايدة من هالوزارة
أعذروني على الإطالة في قلبي ضيم


((صورة بدون تحية لوزارة الخدمة المدنية))

المعاهد التقنية تعلن عن 180 وظيفة و خلال شهرين من الأعلان أعلنت الأسماء و اختبرتهم و أعلنت نقاطهم بالتفصيل و الحين يعملو المقابلة الشخصية للمرشحات و قريب بيعلنون النتائج النهائية للمسابقة الوظيفية و أنا وحدة من المتقدمات وشفت المصداقية و العدل والالتزام بالمواعيد و التنظيم مع أن عدد المتقدمات بالآلاف و في عدة مناطق

http://www.tvtc.gov.sa/ARABIC/DEPARTMENTS/DEPARTMENTS/GT/RECRUITMENT/Pages/default.aspx
[/align]