اقتباس:
السلام عليكم ورحمة الله وبركاته
أخي الكريم ابحث عن علب البيبسي مثال أبدا بالأهل الخال العم والخاله والعمه
جمعها من عندهم أو انته اجمعها من الشارع ولاتقولي عيب الناس يشوفوني ترا والله مادرو عنك واذا قدرت تكون راس مال بسيط وتشتري من الحجات الكيلو بـ 4,50
وتبيعمه الكيلو بـ 5,50 .. صحيح المكسب ريال لاكن صدقني الريال هاذا يجيب ريالات
لاتطمع وثق كل الثقه انك راح تتوفق وراح تشتري سياره بعد
كلامي هاذا من تجربه واقعيه .
واذا قدرت تجمعها في حوش بيتكم او السطح وتبيعها بالطن كون الواحد طن بــ 5500 ويوصل 5700 ومرات ينزل السعر الين 4500 بس يوم ينزل لاتبيع مهما كنت محتاج .
أسأل الله ان يوفقك بالحلال الطيب .
|
اشكر لك اهتمامك اخي الكريم
وفعلاً عمل مربح لي قريب كان يعمل به وكان يوصينا ان نجمع
له العلب
شكراً لك مره اخرى :/
----
اقتباس:
سجل في حافز أحسن لك كل شهر 2000 ريال %_%
|
حافز مساعدة منتهية بالتوظيف وانا طالب
شكراً لك عزيزي على ردك المرموق
------
اقتباس:
|
يا اخي ليه الانهزامية هذي 100 ريال فقط شهريا والله ان البنقالي الدبشه اللي مايعرف شئ يطلع اكثر من 100 ريال باليوم ووممكن بالساعة زي السلام عليكم
|
بداية شكراً لردك الكريم
صح كلامك :/
طيب اطرح لي مشورع يكسب 100 ريال باليوم وماراح اقولك لا
100 * 30 = 3000 ريال
شكراً للجميع على المساندة واتمنى للجميع التوفيق ومن
لديه افكار اخرى ياليت يطرحها واكون له من الشاكرين
وفقكم الله