[align=center]
اقتباس:
المشاركة الأصلية كتبت بواسطة احمد الم
السلام عليكم ورحمة الله وبركاته
انا توظفت في المنطقة الشرقية وبالتحديد الدمام
وتعرفون الغلا والاجارات
والله اني استحي من نفسي موظف واطلب اخواني ولا الوالده الله يحفظها
-------------------------------------
المشروع :
ابي اجيب غنم من الجنوب كلها ذكران وصغار وانا عارف انه راح ادخل ذهب 100%
ما يجي العيد الاضحى الا كملت سنه
وانا عندي خبره في الاغنام واللي حاب يشاركني واحد فقط من الدمام حياه الله
بس العقبات
- مكان شبوك للغنم ؟
- طريقة نقل الغنم وهل ممنوع التنقل بها من الجنوب الى الشرقية؟
- وين مكان اللي يبيعون البرسيم والعلف وهل ما زال يباع الشعير ام لا ؟
هذا وسلامت الجميع
|
هلا اخوي احمد
مكان الشبوك بالدمام اعتقد خارج الدمام على طريق الدمام الرياض باليمين وانت طالع من الدمام ب15 - 20 كيلو
طريقة النقل
حسب الكمية
اذا اقل من 15 راس سيارة صغيرة ونيت يعني تكفي واذا اكثر من 15 راس الى 20 برضوة ونيت بس دورين
اكثر من كذا اعتقد يلزمك دينة
النقل مسموح ولاحد يدورك ولا يقولك شي طبيعي
اللي يبيعون البرسيم والشعير في الغالب في اسواق الغنم تلقاهم بكثرة
بس اخوي نصيحة اذا بدايتك اقل من 50 راس لا تبداء نهائيا
لان ما فيها فايدة يا الله تجيب تعبها اما اذا كان العدد واجد فجرب وان شا الله تلقى خير
حسبة بسيطة
اذا قلنا طليان نعيم اللي عمرة من 3 شهور الى اربعة شهور ما يقل سعرة عن 800 ريال
لو بتاخذ 50 راس
50*800 = 40000 ريال
ضرمة
اذا بتربيها لعيد الضحية
يبي لك اقل شي من 3- 4 شهور
لو قلنا كيس شعير يوميا وقيمة الكيس 40ريال
40*30يوم=1200 ريال هذي شعير كل شهر يعني في 3 شهور
1200*3=3600 قيمة ضرمة شعير لمدة 3 شهور
البرسيم
كل يوم 2 بلكة قيمة البلكة 24ريال يعني في اليوم 48 ريال برسيم تصير بالشهر
48*30=1440 هذي في الشهر الواحد
يعني في 3 شهور
1440*3=4320 ريال ضرمة 3 شهور برسيم
زد عليها 1000 ريال موية وادوية (علاج )
يصير المجموع
3600شعير +4320 برسيم +1000علاج وماء +2800 راتب عامل= 11720 ريال مصاريف اضفها لراس المال
يصير عندك الناتج
51720 رال
قسم المبلغ السابق على عدد الاغنام يصير راس مال الراس الواحد
51720/50=1034 ريال
هذا راس مال الراس الواحد بعد ثلاث اشهر من التسمين
اذا بتبيع على 1300 ريال
1300*50=65000 ريال
المكسب او صافي الربح تقريبا
14000 ريال
قسمها على 3 شهور
14000/3=4666ريال
مبلغ زين اذا اعتبرته دخل شهري
اتمنى ان الصورة وضحت اخوي
وموفق وتلقى خير باذن الله
[/align]