اقتباس:
المشاركة الأصلية كتبت بواسطة رااامبو
ما شفتي شي والخافي اعظم
تخيلي قبل امس رحت بصلح حزام الامان حق السياره وشغلته صعب شوي رحت عند محل يزينه ونا جالس اناظره
وتذكرت ان النور عندي خربان وعندي الشمعات في الشنطه يوم فكيت الشنطه وطلعت العده لازم افك البطريه لانها مغطيه على النور من ورا وقعد اشتغل فيها وهو يشتغل بالحزام ووالله الذي لا اله الا هو واحد بنقالي يراقبني من بعيد يوم صلحته وقضيت مشى تخيل حول نص ساعه وهو واقف يناظر انا اصلحه ولا لا
وقبل اشتغلت بشركه انواع التعذيب النفسي للسعودي والمدير ما درى عني ما دام الشغل ماشي
ما في نظام قوي يأخذ حقك في بلدك عشن كذا اكلونا الاجانب ...
|
أنا سمعت وقرأت كثير عن لوبيات الأجانب لكن تكون من باب المنافسة وليس احتلال حلالك .. بمعنى هو يفتح محل وينافسك فيه ويمكن يضربك لكن
يحتل محلك ويقول تتنازل غصب وهو في بلدك لا ومليون لا ..
بالنسبة للبنقالي أكيد سامع الكلام اللي يقال أن السعوديين ما يعرفوا أي شيء واتكاليين !<< بعض اليمنيات أيام حرب الحوثيين كانوا يسمون السعوديين جيش البلاي ستيشن !! فانتظر على أمل تقول ما عرفت تعال صلحه وخذ 50 ريال !
أشكرك
اقتباس:
المشاركة الأصلية كتبت بواسطة فن العقار
موفق بإذن الله ... لك مني أجمل تحية .
|
وإياك
أشكرك
اقتباس:
المشاركة الأصلية كتبت بواسطة علي الألمعي
تصدقون يا إخواني
فيه بعض المحلات تكسب ذهب وذلك لعدة أسباب ومنها
الشيء الذي في هذا المحل قد يكون مميز عن غيره بشغله ببضاعته وغيرها
تصدقون فيه واحد عندنا عنده محل بوفيه
ويسوون فيه طبخات دجاج وإيدامات حلوة مرررة خاصة الدجاج
ويطلع في الشهر أكثر من 7000 ريال
فالبائع ( أجنبي ) طلب من صاحب المحل يقبله
صاحب المحل رفض
ومع الوقت بدأ المبلغ الشهري ينقص والعامل يشتكي
آي ظهري أنا تعبت انا مريض
وبعدبن صاحب المحل قبله على العامل
وصار العامل فيه يكد ليل نهار والزبون عنده في زيادة
وبالكاد يلحق ويغطي طلبات الزبون
فبعض المحلات رووووعه تكسب والله هو الرازق
اما انتي يا أختي عاطلة مش بطالة
إذا تشوفين ان المحل تقدرين تجيبون عمالة كويسة وأمينين فأسأل الله أن يوفقك
ولك تحياتي |
يبدو أنها أصبحت ثقافة يتعامل بها بعض الأجانب مع السعوديين !
القضية بالنسبة لي مو قضية عمال ! القضية قضية كيف أراعي المحل بنفسي ! لأني أؤمن أن الشيء اللي ما يراعيه صاحبه يضيع ..
وفي الخليج مثل يقول من همل فقد !
الله يوفقنا وإياك
أشكرك
اقتباس:
المشاركة الأصلية كتبت بواسطة المنطقيات
في اي منطقه؟
|
المحل في الرياض
أشكرك