السلام عليكم
وعليكم السلام
تحويله 114
نعم وش بغيتي
عفواً أختي حبيت اسألكمـ عن توفر وظائف شاغره عندكمـ اذا ممكن
والله ما عندنا شي الى الآن
انتي عبيتي الاستماره ..؟؟
نعم عبيتها من شهور ولا وصلني اي اتصال منكم
طيب اختي ما فيه شواغر
معقوله ما في ابداً .. كل هالفتره ما وصلكم اي شاغر
لا ما وصلنا الا عامله نظافه تبغين تصيرين عامله نظامه
عامله نظافه ..؟؟!!
ايوه بعدين وش مؤهلك انتي ..؟؟
دبلوم برمجه بعد الثانوي
ما عندنا اي شي الآن
طيب اختي انا ما حددت شي ابغى اي وظيفه
والله ما فيه شي ابداً الا مدرسات ومؤهلك مو جامعي
والأعلانات اللي معبيه الجرايد عن الشركات والمؤسسات بطلب وظائف يعني ما احتاجو الا لعاملات نظافه
والله يا اختي هذا اللي وصل
طيب لو سمحتي اذا ممكن اسمك علشان لو كلمت المسئول اقول له انه هذا ردك علي
طوط ..طوط.. طوط << قفلت الخط
رجعت ودقيت مره ثانيه وطلبت من اللي حولتني اسم اللي ردت علي قالت خذي اسمها منها
حولتني
الو نعم
من باب الذوق والأدب يا مربيه يا فاضله انك ما تقفلين التلفون بوجهي
والله انا مشغوله ومو فاضيه لك
مره أخرى
طوط .. طوط.. طوط ..
****
حصل من عشر دقائق بالضبط
وش رأيكمـ بالله
أترك لكم التعليق
سؤالي وين المسئولين عن هذي المهزله