اقتباس:
المشاركة الأصلية كتبت بواسطة سبت العلايه
خلاص اسف لكن الله ينتقم من اللي كان السبب
وانا اذا ماظهر اسمي باسوي شي ماقد حصل
|
يالغالي
مافيه اي شخص سبب وانا اخوك لتأخر ظهور اسمك او اسم اي واحد من اللي سوو المقابله
انت و انا و غيرنا نجح في المقابله الشخصيه و الوزاره على حسب الوظايف تنزل اسماء على دفعات
مافي واسطات و لا اي شي و حتى اذا كان فيه واسطات صدقني ما تضر للي تقدمو للوظيفه
و اللي كاتبه ربي بيصير
على سبيل المثال انا
نزلت الدفعه الاولى وكانت الاسماء كثيره و لا شفت اسمي فيها و حزنت و ضقت و لكن ما سويت زيك اخوي مثل قولك انك بتسوي شي ما حصل
كنت متفائل و كل شهر تقريباً اخش الموضوع هذا و اشوف نزل شي و الا لا
و نزلت الدفعه الثانيه و لا شفت اسمي و ابداً ما زعلت ولا حاجه و اللي كاتبه الله يصير
بعدين انا مقدم على كذا وظيفه ماخليت املي بالوزاره بس
واللي كاتبه االله وانا اخوك بيصير و صدقني لو لك نصيب في هالوزاره راح يجيك و البني ادم لو وراه تمره او خبزه في الدنيا ماراح يموت الا وهو ماكلها يعني كل شي مكتوب
المهم ويجي ذاك اليوم و انا نايم بعد الظهر و جوالي كان جنب راسي ولا صحيت الا مع اذان العصر
و دايم اعاين الساعه اذا صحيت
و اخذ جوالي و اشوف 3 رسايل
واخش الا رسايل شركة الكهربا يشكروني على التسديد و رساله كولمي من احد الزملاء و رساله وزارة العدل
ياولد صدق كذب الا و الله وزارة العدل يبوني اجيهم
الزبده هي ارزاق و انا اخوك
و الصابر و المحتسب راح يجيه رزقه من حيث لا يعلم
اعذرني على المداخله اخوي
و لكن ترا وزارة العدل اذا ماطلع اسمك فيها ماهي نهاية المطاف
توكل على الله و الحي رازقه الله