اقتباس:
المشاركة الأصلية كتبت بواسطة مسترالعمودي
ياشباب لغاية الحين مافي احد تعيين في ينبع .. خلصت اجراءاته ..
|
اقتباس:
المشاركة الأصلية كتبت بواسطة مسترالعمودي
ممتاز .. ممتاز .. 
على البركة .. 
بس ايش كانت الرغبات الموجودة في ينبع .. وكم رغبة موجودة .. 
ياريت تكتب الرغبات الموجودة عشان بس اعرفها .. واجهز نفسي لكل الاحتمالات .. ومتى قالوا حتجيك رسالة التوجية ..
وفين موقع ادارة التعليم بينع .. لو حتى شيء تقريبي .. اي حي .. اي شارع ..
والله يوفقك يارب .. |
الله يبارك فيك اخوي ..
بعطيك الفيلم من بدايته عشان تكون بالصورة ..
موقع الادارة بشارع انس بن مالك بالقرب فندقمن االبياض الناصع .. قريب من مقر محافظة ينبع
توقف سيارتك برا و تنزل رجلي اول ماتخش مع البوابه تلقى المبنى قدامك .. اول ماتخش تروح يسار مائل لا تكسر . تبتل سيدا آخر الممر تلف يسار تلقى المكتب بوجهك .. يعطوك اوراق توقعها تعهد انك ما شغلت وظيفة حكوميه قبل كذا و ان بياناتك صحيحه .. بعدين يعطوك اوراق الكشف الطبي تروح لمستشفى ينبع العام مو بعيد قريب منهم اذا طلعت من المبنى خله على يسارك و ابتل سيدا يجي بوجهك حرف تي و قدامك المحافظه روح يمين ثاني او اول اشاره مو فاكر و الله بس تلقاه واضح من الاشاره على يسارك .. ما يطول الكشف الصراحه اجراء روتيني .. ما اخذ معي نصف ساعه بس اهم شيء توقع نوذج الكشف من الادارة قبل تروح المستشفى بعدين ترجع للادارة و تعطيهم الكشف يعطوك خطاب توجيه لشؤون المعلمين خارج المبنى و بحي آخر هناك يوصفوه لك تروح تسجل الرغبات سبع رغبات و تحت خانه تسجل فيها رغبات تبيها اذا ما كانت موجوده .. الرغبات 1 ينبع البحر 2 ينبع النخل 3 التحليه 4 خمال 5 العيص 6 المراميه 7 مدري رخو و الا خمال نسيت و الله .. تسجل رقم جوالك و يرسلوا لك رساله فيها التوجيه بأي مدرسه ..
اتمنى ان اكون افدتك ..