حلول البطالة Unemployment Solutions - عرض مشاركة واحدة - مهم: الخدمة المدنية تدعو (2249) مواطناً من حملة الدرجة الجامعية لمطابقة بياناتهم

ضمير مستتر · #**365** (**permalink**) 13-02-2012, 09:18 PM

اقتباس:

المشاركة الأصلية كتبت بواسطة مسترالعمودي

احتمال وقت المفاضلة عرفوا بتخصصك ..

بالنسبة لادارة الاعمال السرى وصل تقريبا عند 280 .. يعني الدفعة القادمة حياخذون اللي فوق هذا الترتيب ..

انا بصراحة رحت عدة اقسام .. بس اللي افادني مضبوط قسم في الدور الثاني ناسي اسمه اعتقد المسؤول عن الترشيح ..
اقلك اربعة واقفين معايا .. يحاولوا يقنعوني بأني اصبر وان شاء الله في دفعات جايه .. وانا معترض ..
بس لسه ماسويت كل اللي عندي ..

ناوي احتج بقوة ..
شكلي بروحلهم اخليهم يحذفوا التسويق ..

بس اعتقد بالنسبة لك ياضمير .. يمكن تروح عليك عشان الرغبات المكانية ..

انا اعرف واحد صديقي تجاوزه عشان رغباته المكانية محدودة ..

يعني اذا مالقوا وظائف حسب رغباتك المكانية حيجاوزك ويختاروا اللي بعدك حسب رغباته اذا كانت متوفرة ..

انبسطت ياضمير .. مو انت تقول جدارة فاشلة عشان الرغبات المكانية مايأخذونها في الحسبان .. طلع لا يأخذونها في الحسبان .. مو بس كذا تضيع عليك الفرص .. يعني على مفهومك لجدارة يعتبر ناجح ..

شر البلية مايضحك ..

لاتزعل بس حبيت اذكرك ايش كان محور ناقشنا .. >>

ما راح الومك يمكنك زعلان شويه هدي نفسك ان شاء الله الامور تمام

مو بس جدارة فاشل نظام الخدمة المدنية كله فاشل و سبحان الله مو راضي تصدقني و ربي حطك في موقف و اكيييييد قلت وقتها و الله انك صادق يا "ضمير" ان الخدمة المدنية ما عندهم ما عند جدتي .. ذحين صارت ادارة الاعمال والتسويق تخصصين مختلفين ؟؟؟ واكيد الحين شفت بعينك كيف تعامل الموظفين وكيف شغلهم من اساسه ..
بس مالومهم تحجروا مع الوزير اللي قشعوه وان شاء الله نتفاءل خير بالوزير الجديد اظن اسمه البراك ..

ماراح اتكلم عن الرغبة المكانية لاني مو متأكد انها هي السبب انت دوبك تقول وقفوا في ادارة الاعمال عن الرقم 280 و انا رقمي (لو افترضنا انهم سجلوني ادارة اعمال 289) فكيف تجاوزوني ؟؟؟
و لكن لو كان الرغبات المكانية هي السبب فالمفترض انهم يمشوا على اللي سجلته و لو مشيوا عليه ما يعتبر نجاح هذا المفترض ..

ما علينا

دحين عندي سؤال ..

س1/ انت لمن سجلت في نظام جدارة الموقر كتبت تخصصك ادارة اعمال و الا تسويق ؟؟

س2/ الحين اللي يتجاوزوه او بالاحرى ما نزل اسمه في التعيين هذا يشوتوه ( يعني يستبعدوه نهائيا) يروحوا للي بعده و ينسووووه و الا يحطوه في اللسته الين يجي اللي يناسبه ؟؟
لانه صراحه في تجارب مريرة نسمع عنها يجيك الواحد متحمس يطابق و بعد كذا يقعد بالسنييييييين ما فكروا فيه دفعات تتخرج و تتعين و هو ينتظر