السلام عليكم كيفكم طيبون ان شاء الله توني قاعد نوم بعد مغامرات بناءً على ماتم نشره ليلة البارح حول العملية حول مفاوضات بين شخص وقزاز خاطف السيارة فاننا نريد ان نوضح للمواطنين ماحصل: $$ الساعة 8 وربع يوم شفت الوقت يروح مني قررت اني اكسر القزاز الصغير حق المثلث اللي ورى وانا اكسر احس ضلوعي تتكسر من البخل والصرصرة وكسرته وشغلتها على طول ورحت لبوفيه احمد واخذت واحد مشكل وكوب حليب وروقت ورحت للصناعية اول شي سويته قصيت مفتاح نسخة احتياط وبعدها قمت اسعر المثلث لقيت 70 و80 و100 سلامات وانا القى يمني يشجع النصر وحبيب وطيب وحنون يقرأ قرأن وانا اتفاهم معاه قلت من الاخر خمسون ريالا ويله اشتغل بدون قرقرة وهو يزبطه وكنس السيارة بالمكنسة حقت الكهرب كلها قزاز ورحت للمطار ورجعت الساعة 1 وتغديت كبسة وكوب لبن وانخمدت ما ادري عن روحي وخليت دفاية الكهرب والعة والكمبيوتر شغال من الدوخة وقتها عجاج والشوارع فاضية ..كآبة ديرتنا لو تجمعن سبع سيارات قالو زحمة خلوها مثل زحمة طريق خريص الساعة 7ونص وتمت السيطرة على الوضع بقتل القزاز وانتهاء العملية الامنية شكرا لك من رد بموضوعي وحاول انه يساعدني الله لايحرمني منكم ابي اروق واتزبط معزوم عند واحد بقولكم قصته بعدين