لاتستعجلو على الرزق الحين معقولة تكون مرشح لوظيفة في السلك الدبلوماسي الي هو عبارة عن مقابلة رجال السلطة في كل دولة وراتبك يكون 5555!!!
اولا اذا انت موظف دبلوماسي فطبيعة عملك انت والسفير مهي في وجودك في السعودية
واساس عملك تكون في السفارات وممثليات المملكة في الخارج
على كلام الزملاء اذا تم قبولنا نجلس سنة في الوزارة ومن بعدها نشتغل في السفارات

راتبك في السعودية 5555 لكن لاتنسى بدل السكن وبدل المواصلات
راتبك خارج المملكة في السفارات راتبك الاساسي +بدل تمثيل شهري +بدل سكن
يعني تقريبا حول 15 او 16 الف وتفرق اذا متزوج وعندك عيال كل واحد له راتب
مع ملاحظة انك في كل مرة تسافر فيها للخارج ويصدر قرار تعينك في السفارات يعطوك مبلغ حول 40 الف

الحمدلله على كل حال هذا بفضل الله ثم بفضل السياسة الحكيمة من الدولة
المملكة هي الدولة الخليجية الاولى وهي اساس الخليج وهي الدولة العربية الاولى وهي الدولة الاسلامية الاولى
وهي الدولة الي واقفة معها كل دول افريقيا والمنح الجامعية لطلابهم في جامعاتنا تشهد على ذلك
ب المختصر دولتنا يقصدها كل مسلم وكل شخص يبي يتعلم الاسلام واللغة العربية
وبعد هذي المقدمة تبي راتبك يكون بس 5555
ان الله مع الصابرين البداية 1500 مع بدل سكن بعدين 5555 بعدين 15000 بعدها بسنتين او ثلاث 20000