المشاركة الأصلية كتبت بواسطة مسترالعمودي

صحيح كلامك مصرفي متميز ان الاعلان لم يشير إلى تلك العلاقة بين 2249 و 823 .. لكن كان كلامنا مجرد استنتاج بما انو كثير من المترشحين من دفعة 823 هم من اللذين طابقوا من دفعة 2249 مرشح .. يعني هو مجرد استنتاج .. مو شرط تقول وزارة الخدمة المدنية هذا الشيء .. بس استنتاجنا مبنى على محاولة معرفة هل تم تجاوزنا في الترشيح أو باعلان ترشيح 823 مواطن فاتتنا الفرصة في الترشيح .. زي هذه الاشياء يااخي العزيز ماتقولها لك الخدمة المدنية .. هذه لازم تعرفها بنفسك وتستنتج هذا الشيء ..
زي اللي يسوي مقابلات شخصية مع مجموعة من المتقدمين للتوظيف في شركة ما .. طبعا في النهاية يختاروا عدد محدد والبقية يصرفوا النظر عنهم .. بس ماحيبلغوهم بهذا الشيء .. اذا ماجاك اتصال اعرف انو ماحالفك الحظ .. هذا الشيء المعتاد في اختيار الموظفين الجدد .. ماقد مر عليا انو شركة تتصل على احد عشان تبلغه بعدم اختياره أو فشله في المقابلة الشخصية أو الاختبار .. اتمنى يكون وصلت الفكرة ..
النقطة الثانية .. مو شرط اللي ترشحوا يعتبروا الأفضل في التخصصات أو المؤهلات أو الخبرات أو المهارات مهما كان ..
وبعدين مافي تخصص أفضل من تخصص .. لكل تخصص مزاياه وحاجته في الشركات والحياة العامة مهما كان التخصص ..
بس الافضل يكون في المعدل والتقدير والترتيب على مستوى الدرجات في التخصص نفسه ..
صح الترشيح يكون حسب الشواغر والتخصص المطلوب من نفس الوزارة التي لديها شواغر .. بس برضو مو شرط اللي تم اختياره يكون الأفضل ..
لسبب بسيط انا اعرف ناس تم تجاوزهم بسب اختياره جدة ومكة فقط .. ومقفل الرغبة المكانية وماعنده رغبة خارجها .. تجاوزته وزارة الخدمة المدنية في الترشيح .. مع انه افضل من غيره بسبب رغبته المكانية ..
وفي حالات ثانية زي انا .. كنت مسجل ادارة اعمال في جدارة .. ترشحت للمطابقة .. للأسف بعد المطابقة حطوني ادارة اعمال - تسويق .. وكأني محسوب على تخصص ثاني غير ادارة الاعمال ..
يعني كثير من اللي ضاع عليهم الترشيح بسبب القسم الفرعي اللي ماكان موجود في جدارة وقت التسجيل .. والقسم الفرعي لهم سرى ثاني أو ترتيب اخر غير التخصص الرئيسي .. للأسف كأنه شيء مختلف تماما ..
مع انو تخصصي ادارة أعمال - تسويق اشمل من ادارة اعمال فقط .. بس ايش نسوي لمفهومهم القديم لتصنيف التخصصات في وزارة الخدمة المدنية والوزارات الحكومية .. يعني كثير انظلموا بسبب التخصصات الفرعية .. مع أن بعض التخصصات الفرعية دقيقة وصعبة ويبغالها ذكاء ومجهود واجتهاد مو سهله وصعبة جدا يعني بعد التخرج تطلع انسان بروفيشنال في تخصص معين (محترف) بمعنى الكلمة .. طبعا هذا الوضع يختلف في التخصص العام .. يعني المفروض وزارة الخدمة المدنية تقدر هذا الشيء ..
الخلاصة : اللي ماترشحوا مو معناه ما انطبقت عليهم الشروط اللي حاطتها الوزارات اللي عندها شواغر أو اللي اختارهم هم الأفضل .. وانما قد يكون بسبب الرغبة المكانية .. أو بسبب التخصص الفرعي .. أو ترتيبك في السرى لم يصل بعد ..
خصوصا اذا علمنا من عناصر المفاضلة في جدارة هي : اقدمية التخرج ، والمعدل .. الخ
ولا يوجد حساب للخبرات في القطاع الخاص أو اللغة الانكليزية أو الدورات الاخرى ...