وعليكم السلام ورحمة الله وبركاته

مسألة تدخل الداخلية أو القطاع العسكري إنسى الموضوع إلا إذا تجيهم بجنسية أخرى وتتعاقد معهم فهذا شيء ثاني
تخصصك بيكون في المشرحة طبيب شرعي

دخلت على الرابط اللي إنت حطيته وشفت أخرى قسم وهو Career Opportunities:
حصلت مكتوب ممكن العمل بشركات التأمين ( بس الكلام هنا هل شركات التأمين اللي بالسعودية تطلب تخصصك؟ ) يبغالك تتصل عليهم حتى ما تضيع فرصة عمرك على تخصص ممكن يضيع حياتك ( أقصد يضيع حياتك بالسعودية ما تستفيد منه أما بالخارج أكيد بيكون لك طلب )
وبالمناسبة فئة عملك محدودة بهذا التخصص يعني أماكن تنعد على الاصابع وهذه بحد ذاتها مشكلة

في أخر سطر يقول تقدر بعد تخرجك من البكالوريوس إنك تكمل دراسات عليا بتخصص القانون - الطب - بكليات المعلمين (((بس لا تأخذ على كلامهم لان اللي ينطبق بعندهم مو شرط ينطبق علينا.)))


لو قلت لي وش راح تسوي لو أنا مكانك ؟
برد عليك وأقول اعيد حساباتي من جديد وأشوف التخصصات المطلوبة بشكل أكثر ولها أكثر من مكان للعمل.
أضرب لك مثال المحاسبة تقدر تشتغل في كل شركة ومؤسسة خاصة وأي قطاع حكومي ما عدا العسكرية
وبالاخص لو أخذت نوع من الشهادة مثل cpa واللي على مسماها تكون 100%
http://www.4jam3a.net/t9635-topic

أخيراً نصيحة أخوية إذا ناوي على تخصص ثاني حاول تدخل دورات على نفس تخصصك حتى تدعم شهادتك وتعطيك معرفة وخبرة <-- راح تعرف قيمة هذه النصيحة وقت المقابلة الشخصية وزيادة الراتب وأيضاً في المفاضلة بالترقية والأهم من هذا تكون عندك معرفة

بالتوفيق ولا تنسانا من دعائك