اقتباس:
المشاركة الأصلية كتبت بواسطة الفتى المكافح
عارف التراخيص والشروط المطلوبة لها
لكن بقي اسأل عن المقاولات عمليا وعلى أرض الواقع
من أصحاب الخبرة واللي عندهم علم بها مشكورين
يعني من الأمور مثلا : طريقة الاتفاق مع النجار والحداد
عندنا مثلا سعر المتر المكعب 160 ريال .... يعني الاتفاق مع صاحب العمارة يكون حسب عدد كمية الخرسانة اللي تنصب فكل متر يأخذ عليه المقاول 160 ريال
طيب كم نصيب النجار والحداد منها ........؟؟؟؟
= أيضا ماهي جنسية العمال المفضلين في المقاولات ... وكم العدد المطلوب ........؟؟؟
= بقية تكاليف المقاولات كيف طريقتها ....:
الخشب .... سمعت البعض يستأجره ، وإذا كان ملك فهو معرض للتلف ... كيف وضعه ؟؟؟
عامل لتحميل الأخشاب ونقلها ....
جكات وهذه ما أدر كيف وضعها ...؟؟؟
دينا لنقل الأخشاب ...... وما ادري هي مملكومة ولا مستأجرة
سواق للدينا .....
ايش اللي يلزمني في البداية ....
وشكرا لكم
|
هلا وغلا اخوي
باختصار
الاتفاق مع العمال ؟
انت افضل شي لك تتفق معهم بالراتب ولا تعطيهم يومية مهما كان
بالنسبة للشغل لا تشيل همه موجود وعلى قفا من يشيل ولا تصدق قولة ان ما فيه شغل وقت ما يكون عمالك فاضين ولا عندهم شغل راسلني ويسير خير
نصيب النجار والحداد من الشغل اللي بالمتر ؟
ولا ريال الى اذا شي يطلع من خاطرك مو مشكلة لانه يستلم راتب وهذا شغله مالك وماله اهم شي لا تاخر راتبة عطه كل نهايه شهر حقة واذا تبي تعطيه شي من عندك عطه مكافئة وقله انها مكافئة ولا هيب زيادة بالراتب
جنسية العمال ؟
تبليط ورخام وخلافة وبناء على ارقى مستوى : فلبيني وبعده يجي الهندي ثم الفتنامي والنيبالي
تلييس وصبه : باكستاني ومصري بس انحش من المصري
حداد ونجار : هندي وبس
اذا تبي انجاز في وقت قياسي لاي مشروع عليك بالباكستانية بس الباكستاني من يوم يطب السعودية ويختلط مع الشله ثاني يوم يختلف عليك
عليك بالهنود والنيبالية والفتنامية وتاكد انهم اصحاب صنعه وشيلهم من بالك لو تشغلهم في النفوذ ما يقولون شي بس تكفى خاف الله فيهم
بالنسبة لباقي التكاليف ؟
الخشب صحيح يؤجر بس اغلب اللي يستاجرون هم اللي ينقص عندهم الخشب او ما عندهم خشب او ما عندهم مكان تخزين له والافضل انك تبعد عن الخشب وتعتمد على صقالات الحديد وتخلي الخشب بس للبسط تحت الصبة وتعمد له بالحديد اللي هي الجكات طول عمر واسهل في الاستخدام
وكذلك اغلب الشركات الكبار تستخدم الالواح اللي لونها اسود نسيت اسمها المهم هي الافضل
الدينة يا صاحبي لا تشتري دينة ليه انا اقولم
قيمة اقل دينة اليوم مو اقل من 20 الى 60 الف ريال مستخدم
بها القيمة تشتري لك 3 سيارات من نوع جمس او شفر حوض طويل موديل من 91 - 92 وكل اللي عليك انك تدبل له مساعدات خلفية فقط وحمل ولا تشيل هم
وهذا ينفعك في الخشب ونقل العمال والفرق بين الجمس والقلاب شي واحد فقط هو تنزيل الخشب في القلاب اسرع
باقي المعدات
يبي لك رافعة كهربائية وذي لا تشتريها صلحها انت اذا بتشتري تكلفك من 3500 الى 5000 ريال وهي ما تكلف 1500-1700 ريال بالكثير
كل الشغلة محرك كهربائي - وحبل طويل - وشوي اشغال حدادة تعمل للمحرك وتجهزة - ودائرة كهربائية اذا عزمت تصلح الرافعة انت ارسلت لك كل التوصيلات الازمة والرسم لوصيل المحرك
نسال الله لك التوفيق والسداد وتيسير الامر
اي استفسار انا بالخدمة موفق اخوي