شوووفي انبح صوتي وأنا أقووول ماااافييه علاقة بيين
أسماااءنا وحركة نقل المعلمين
لييييش
لأن حركة النقل عند وزارة التربية والتعليم ويبيلها بالكثير
أسبوعين وينتهون منها
وأسماااءنا عند وزارة الخددددمة المدنية والمطابقة عند فروع الخدمة
المدنية ويبيلها أقل شي أسبوعين إذا طابقنا أوراقنا خلال هالأسبوعين
عند الخدمة المدنية يصيرون التربية منتهين من حركة النقل اللي أساسا منتهية
بس يماطلون المعلمين فيها ومنهم ولد خالتي الضعيف<<يارب ماتمسك خط ههه
المهم إذا طابقنا ترفع أسماءنا لوزارة التربية والتعليم عشان المقابلة
الشخصية وبعدها الكشف الطبي وبعدها تحطين الرغبات في الديرة اللي عينونتس فيها
وبعدها تروحين للتوجيه حق الرغبة اللي عينوتس عليها وترتبين المدارس وبعدها يعطونتس
اسم المدرسة وخطاب المباشرة وبعدها تروحين السوق تتقضين ملابس طبعا ياعلى حساب
أبوتس أو رجلتس وخربيها مشتريات وإذا حسوا انتس مكثرة قولي سلف إذا استلمت الراتب
عطيتكم وإذا استلمتيه اسحبي عليهم وقولي حللوني بس اعتبرتها هدية منكم بمناسبة الوظيفة
وبعدها تداومين أول يوم وترفعين خطاب المباشرة وبعدها بأسبوع تبدين تحضرين دروس وتشرحين
للطالبات
امممم بقي شي ولا خلاص
اي صح اللي مختارين الرياض من الرغبات بقول لهم فيه قرية تابعة للرياض
اسمها(رغََبَة)ههههه