اقتباس:
المشاركة الأصلية كتبت بواسطة الصبر يالله
السلام عليكم ورحمة الله وبركاته
عندي اخ متخرج من الثانوية من سنتين عمره 23 و طوله 161
طبعا هو يأأأس بالمره من انه يتوظف لكن اقدم له بكل مكان ومتأكده إذا ربي كاتب له وظيفة بيتوظف
كلمنا من سنة له واحد رتبة بالجيش ع اساس يرفع اوراقه وجانا الرد اليوم بأنهم ماقبلوه 
انا تحطمت والله وماقدرت اقول له محد يدري بالرد غيري أعرفه بيتحطم خلااااص وخاصه انه حاط أمل وفرحان بالمره لأن الرجال وعده خير 
الشكوى لله حابه اسألكم الجيش يقبل طول 161 ؟؟ وإذا يقبل وين المكان الي نقدم عليه
انا ماعرف شي وهو يقول لا عاد تقولون وظايف طفشت وتعقدت
حاطه الأمل كله بالله سبحانه وتعالى ثم فيكم بمساعدتي الي عنده خبره لا يبخل علي
وبالتوفيق يارب للجميع انتظر ردودكم الله يجزاكم الجنه |
هدي من نفسك اخوي وقول لاخوك يستهدي بالله ويصبر بس اذا يبي الجيش انا بقولك الحل
اولا نعم طولة راح يقبلونة ونا اضمن هالشيء اشاء الله لانه بالجيش
ثانيا خله يترك عنه الواسطات عشان ما يتعب نفسة ويرهق تفكيرة ومخة وقله يريح اعصابة لانه بالجيش راح يتوضف وهذي شغلة مضمونة باذن الله بس يبيله شوية صبر مثلي
ثالثا افضل طريقة يروح لاقرب مكتب تجنيد للقوات البرية في منطقتة وياخذ مؤهلاتة اذا ثانوية لازم معها شيء لو دورة حاسب 6 اشهر او رخصة عمومي وهمن راح يسوون له ملف ويرسلونها الرياض لوزارة الدفاع تجلس كم شهر وهو خليه يراجعها كل بعد فترة بمكتبا لتجنيد وذا رجع الملف من الرياض رح يعطونة بقيت الاوراق الكشف الطبي وأوراق الشيخ والبصمات يخلصها ونشاء الله راح يتعين هذي مضمومه باذن الله وقول لاخك يتفائل بالخير انا متخرج من الكلية التقنية ولي سنتين ادور على وضيفة وما حصلت غير هالطريقة والحمدلله مشت معي واهي استفسار انا موجود ودمتم سالمين 