السلام عليكم ورحمة الله وبركاته

أولا" أقدم الشكر لي : ولد غابي , عصير الربيع & سبيشل ون . جزاهم الله ألف خير .

أتوجهت اليوم من ساعة 8 الصباح الى مبنى القبول والتسجيل للسجون , وطبعا" الزحمه في بعض التقاطعات خانقة جدا" الرياض , والناس مسرعه في خطوط الدائرية ولا في حلبة سباق , لدرجة ماشيه 100 كم\س ماسك الخط اليمين .

المهم . الساعه 8 ص , أتوجهت للبوابة , وطبعا" البوابة الجانبيه , كان موجود عدد من الحضور تقريبا" 20 - 30 شخص .

المستغرب كلهم لابسين ثيباب وأشمغة وأخر شخصيه . قلت لايكون انا قاري الشروط غلط ,
على العموم نزلت من سياره وأتجهت للبوابه ودخلت في مبنى صغير داخل الحوش , مكتوب عليه التخصصات المطلوبه : الي لحقت عليه وقريته قوى كهربائية , حاسب ألي .. الخ

ودخلت المبنى , كان موجود الرائد , ومعاه 2 جنود على المكاتب وفي كراسي قدامهم , , وكان في صاله 3 أشخاص مقدمين فقط , واحد معا الرائد , والثانين جالس , وانا جلست جنبهم , ( نفس الدور يعني ) .

خلص من الأول وعنده جهاز تصوير يصورك , ويقيس الطول بجهاز ألكتروني . ( كيف لأ احد يسئلني ) لأانه ألي كان يقدم قله أطلع على الجهاز , وطلع عنده الطول في الحاسب , قله الرائد شد ظهرك , وأعطاه الملف الأزرق , ورراح عند الجندي الي بجنبه يكمل له أوراقه .

الثاني , أتوجه عند الرائد , طالع شهادته حصلها معهد تجاري أو ثانويه تجاريه , قله الرائد الشهادة غير مطلوبه , حاول معاه المتقدم يمين يسار , قله الرائد لايمكن الجهاز الكبيوتر مايقبل شهادتك , الله يوفقك في مكان أخر ,

الثالث , قدم شهادته للرائد , وقاس طوله , قله شد ظهرك , الاخ شد على الاخر , قله طولك 166 سم , للأسف لايمكن قبولك , وبرضه حاول معاه المتقدم , لكن الرائد يقله مافي يدي شي

جه دوري , قدمت الملف للرائد , كان فيه شهادة الاصليه ومع صور لها وصور لبطاقة الاحوال والدورات .. الخ مسوي حفله في الملف , أخذ الملف سحب الشهادة الاصليه فقط . لاحظت انه يسجل المعلومات على الحاسب , وبعدها يحطك على جهاز ويصورك , ومن ثم على قياس الطول , والحمدالله 177 قلي كم وزنك رميت له 77 , سجلها في الحاسب , وأعطاني ملف أزرق , واتوجهت على جندي في المكتب بجواره , بصمني على تعهد وأعطاني ورقة الاحوال وخطاب مصادقة الشهادة من الكلية , وموعد مراجعه , سئلت على الجندي عن هل فيه أحتمال قبول أو لاء , قلي خلص أوارقك هذي , وبعدها لو عديت من الفحص والبصمات في الموعد الثالث , مقبول 99 % أنشالله , شكرته ومسكت الباب , وبصراحه يشكرو كلهم بمافيهم الرائد لأانهم متبعين النظام بالحرف , وهذا الشي المطلوب منهم صراحه , والرائد أبو حسين باين أنه شخص متعلم وفاهم ومتمكن في الكبيوتر , خلال ثواني يسجل كامل معلوماتك .

كل الي حصل فوق خلال أقل من 20 دقيقه , وأكتشفت أنه الي واقفين بره الرائد مانعهم من الدخول علشان اللبس الرياض , وبعضهم لابسين لكن مو حلقين الشعر .

وكان خلال وقت جلوسي في الصاله , كل واحد يجي جديد ماهو لابس اللبس الرياضي أو مو محلق الشعر على الواحد , تلقائيا" الرائد , يقله أطلع روح غير واحلق شعرك وتعال , عندك لين صلاة الظهر .

ملاحطات مهمة :
1 - لاتجيب معاك ولا صوره لشهايد أو الدورات أو شي ولا ملف ولا أي شي اخر . بس أصل الشهادة و أصل حسن السيره والسلوك .
2 - بطاقة الأحوال وتكون الجديده , الصوره الأاسود والابيض , أنا بطاقتي برضه من الجديده لكن الصوره ملونه , قلي الرائد المره الجايه لازم تكون الصوره الأسود وا الأبيض .
3 - الألتزام باللبس الرياضي ,, الرائد مايقبل أي أحد مو متبع النظام نهائيا" . وهو بنفسه يستقبل كل شخص متقدم ويشك على الحاسب قدامه أذا كان موعده اولاء , ويسلمك الملف الازرق , أنا أستغرب من البعض الي يجو مشخصين وثياب , يا اخوان واضحه الشروط في الموقع , تره كلها بنطلون وتي شيرت , ماهي حاجه صعبه .
4 - ماعليكم من موعد الساعه 10 , من 8 صباح يستقبلو المتقدمين . يعني تروح بدري تخلص بدري .


نقطة اخيره ألي جايين من خارج الرياض , تره جوو بارد , درجة الحراره 9 - 13 , وماجبت ملابس شتويه أو جكت , فا ثلجت الصلعه .
اخذو أحطياتاتكم .


والله يوفق الجميع .