المشاركة الأصلية كتبت بواسطة drayah

يا بعد رأسي .. هل سمعت عن أحد حب شخص وهو ما يعرفه ؟

عرف بنفسك .. بالعلم .. عرف نفسك بالمثابرة .. عرف بنفسك لأنك ما تشرط ؟

على فكرة .. أعرف أني أقول كلام فضفاض .. وشعارات ممله باليه ..

لكنها في النهاية .. هذا واقعك الذي يجب فهمه !!



أعرف نقطه يا بعد راسي ..

يعني خريج من عام 1419 هـ .. ولا لقى له عمل ..

يا جماعة لما الواحد يتخصص في دارسته .. يعرف التخصص اللي يحتاجه بلده ...

المجنس .. يوم يجي ما يقول .. أبي المحل الفلاني ولا الفلتاني .. يبدأ لوقي .. ثم يشيخ

وش اللي يشيخه .. أنه الخريجين ومنهم على شاكلته .. يقولك لا أبي الشغل اللي أرتاح فيه

ابي الشغل اللي على مزاجي .. أبي فلوووس .. بليا كرف .. ولا تعب

وش معني ولد الوزير .. وش معني ولد الأمير .. هو أصيل .. وأنا مثله أصيل .. إلم أكن أصل منه .

الفشخرة هذي اللي مضيعه العالم ...

أضف إلى ذلك .. إن هذا رزق كتبه الله له مو لك .. وما كتب لك ليس لغيرك .. ولما كتب لغيرك ليس لك ..

يا جماعة أفهموا ...

الوطن .. ما عاد يبي التخصص التخصصات التقليدية .. يبي التخصصات النادرة والحيوية

ملو من التاريخ .. والآداب .. والتخصصات النظرية .. يا رجل حتى التخصصات الشرعية ملوا منها

على فكرة أنا لا أدافع .. أو أهاجم .. اي طرف من الأطراف ..

لكن أحاول أقرا .. الموضوع من عدة زوايا .. عشان أفهم وأستوعب .. وبعد ما أتعب !!

ولا إن كانك تسب مرة .. تراني اسب مرتين .. بل المسألة عقل وأنا خوك ..

على مسألة الشركات يوم تقول 2800 ريال راتب ...

ما راح أقولك ناس .. سوو وفعلووا .. أنا يا محاكيك ..

أشغلت في شركة براتب 1800 ريال .. ولاعنين أبو سلسفيلي ..

وصاير من يد نشيط ليد أنشط .. كرف من إلى حد المغرب .

أول الأمر .. قل لابو الشغله كلها .. بس يوم دريت إن ما حولي أحد .. كلت تبن وكملت ...

لين وصل راتبي معهم 5000 ريال .. سكرتير مدير شؤون الموارد البشرية في ذات الشركة .

يوم خذت حاجتي منهم ... وصلنا لطريق لا يفيدنا .. ولا يفيدهم .. على ألا يضرني .. تركتهم

المسألة يبيلها شويت صبر .. ولا فيها أنا ولد فلان .. ولا جدي يطقع في الجدعان ...

العلم طال عمرك ... الشركات جهات ربحية .. لا هم لها سوى ( الفلوس )

يعني أنت سعودي .. ولا مصري .. ولا بنقالي .. المهم الشغل يمشي ..

ويكون هامش الربح لأي شركة بأقل تكلفه ممكنه على أن يميزها الجودة وحسن التنفيذ .

آمل أن تعي ما أقول .. وان تأخذ المسألة بالعقل .. قبل العاطفة .

وتذكر إني لا أدافع ولا أهاجم .. لكن أحاول فهم طبيعة ما حولي ..

ولك مني التحية والتقدير