نروح المدرسه بدري ونضحك داخل الطابـور

… نحاول نزعج العالم في روحتنـا وجيتنـا



وعشان نأخر الحصه نخبـي علبـة الطبشـور

… نشاغب بـس فالآخـر تميزنـا برائتنـا



/
/

يووووووه يا ذيك الايام

ليتها بجد ترجع

اتذكر اول يوم مدرسه طبعا الجيل الحجري جيلنا مافي سعوديات الا نادرا

طبيت بوحده ما تعرف الرحمه جعلها الماحي

يومها كنت بخميس مشيط

دخلت وامي الله يهديها بدل ما تجلس معايه اول يوم لنهاية شردت من اول ساعه

قال عشان اتعود قال

الله يهديها ما درت انها سلمتني لوحده ما تعرف الرحمه

من اول يوم طبعا مافي دلع هالايام حلاوه وبسكوت كان بيدها مسطره اطول مني خشب من حق اول اللي حافتها


حديده اكيد الجيل الحجري يذكرها

كان ترقع في ذي الطاوله قدامها واحنا ننتفض

اللي كان يعملها على نفسو واللي وعيونو تقول سيل مو دموع

كان تهدد من اول يوم لدرجه كم بنت تركو المدرسه

انا عاد اهلي ما عندهم الدلع كان اقوم ابكي وارجع ابكي مافي الا هيا هالمدرسه

تخيلو كان تضرب بحافه المسطره على ظهر الاصابع


صار الصف الاول بدون اي ذكريات بصراحه


الصف الثاني نقلنا لشروره واااه فديت مدرستها بس

كان فيه معلمه سعوديه اول مدرسه سعوديه اشوفها

عاد كان شكلي غير لاني جايه من خارج المنطقه


حبيتها تلزقت فيها لدرجه مدري اشلون كان تتحملني غثيتها بالمعنى الاصح

بس حنونه كانت

كان اتغيب هيا تحل واجباتي

المهم من مواقفي كان ارجع البيت بالباص الاصفر الطويل اللي شبه انقرض الحين

كان راعي الباص جارنا طبعا انا وبنته يجلسنا بالمقعد الامامي والبنات يموتون مننا

لانه كان معه خيزرانه للي ما تجلس مو مثل عيال اليوم

المهم يوم من الايام قلت برجع البيت لوحدي على رجولي

تخبيت من بنته علما ان البيت بعيد مو قريب وعلما اني ماعرف طريق البيت

كان يومها الجو جونان

خليت البنت تدور عليا وانا شمرت مريولي وجري قلت محد يشوفني المهم مدري وش صار لهم


انا دخلت حاره قلت ذا شارعنا ومن حاره في حاره في حاره عاد شروره كلها مربع مو كبيره


المهم والاهم ضعت يوم حسيت اني ضعت فجرت المكرفون عندي لين شافني ابن حلال وجلس يسأل من وين يا بنت

كان اشوف شنباته ابكي زياده

شسمك كان اناظر في سيارته اقول هذا اللي امي تقول عنه يخطف البنات

عز الله اخر شي صاح فيا سكتت قلت له ضعت ودني بيتنا قال وين قلت مدري

قال ارجعك مدرستك احسن

قال اركبي قلت ودني مشي بقلبي اقول عشان لو شفت احد انقز واقول ذا خطفني بالسياره ما يمديني اصيح

شفتو كيف ذكيه بسم الله عليا من صغر سني هع

المهم كان هيا مدرسه وحده جديده لانو القديمه انهدت وصلني للمدرسه طبعا السواق اتصل بأبويه وقال له بنتك ضاعت

ابويه جا المدرسه وشفتو

اول ما شفتو نقزت بحضنو وجلست ابكيييييييييييييييي

واقول ذا ابو شنب بغا يخطفني ابويه يعرف اني كذابه

سأل الرجال وين لقيتها قال له بالسالفه

طبعا مابغا انضرب بكيت قطعت قلب ابويه وسويت نفسي مريضه

عاد قصة المرض لها جلسه ثانيه


يلا برب لي عوده