السلام عليكم

بدخل بالموضوع على طوول بدون مقدمات

انا سجلت بالمنتدى هذا عشان أخذ آرائكم واستفيد منكم

أول شئ انا فايز عمري 18 هذي آخر سنة لي بالثانوي

انا الآن بالوقت الحالي كل تفكيري بمستقبلي ودراستي

واحاول أنه أتخرج من الثانوية بمعدل حلو

فحبيت استفسر عن أفضل كلية للضباط لغير الجامعيين
انا صرااحة ماأبغى أدخل جامعة

وفيه بعض الكليات لاتقبل غير الجامعيين مثل كلية الملك فهد الأمنية
بس أنا الكلية هذي شلتها من رأسي

فأبغى أسألكم عن الكليات الثانية اللي تقبل خريجي الثانوي

أنا قرأت عن كلية الملك خالد العسكرية (الحرس الوطني )

وأعجبتني صرااحة وقرأت الشروط

الحمدالله الشروط كلها متوفرة عندي من ناحية الطول والوزن والعرق والمنشأ

بس فيه شرط مافهمته أنه التخصص العلمي لابد تكون نسبتة من 80% فما فوق

انا الحمدالله نسبتي من ثاني ثانوي إلى الآن مابين 91 إلى 93

بس ماأدري بالضبط النسبة المطلوبة مع القياس والتحصيلي ولا بدون

لآنه أنا القياس أعلى نسبة جبتها 76

فمن الممكن إذا جمعوها مع القياس والتحصيلي تكون أقل من 80

لآنه صرااحة أنا أشوف صعبة أني اجيب معدل فوق 80 مع التحصيلي والقياس

وياليت اللي يعرف كليات أفضل منها مايبخل علينا بالنصيحة

دعوااتكم لي .