[align=center]السلام عليكم ورحمة الله وبركاته


اخواتي الغاليات
اولا اشكر صاحبه الموضوع
فعلا موضوع مميييييز جدا
وبصراحه بسببه سجلت بالمنتدى


ببدء اخواتي بقصتي لاني ماعرف بالمقدمات
بس محتارة من وين ابدء
خخخ

ببساطة وبدون مااطول عليكم بالكلام
انا طالبة بجامعة الدمام دوامي بسيط وغير متعب
وفعلا محتاجه لمصدر دخل
ومحتاجة اجد قيمة فعلية لنفسي

مشكلتي مااحب الروتين
ويمكن هذا عيبي الوحيد

بس الحمدلله احب العمل
واحب اطور مهاراتي
عملت في الصيف بائعة بمحل في باب رزق
واللي قبله متطوعة بمركز صيفي
وتطوعت سنة بمركز الحي كمدرسة لطالبات الصف الثاني
وعملت بمجال التسويق رمضان الفائت

اجيد استخدام برامج الحاسب الاالي
اكسل باوربوينت وورد الخ
مبتدئية في مجال الفوتوشب
واجيد صنع الافلام والفيديوهات

احب واعشق مجال التجميل
اخذت دورة مكياج لكن مستحيل اعمل بها<<لرفض الاهل
مشهوره بالعائله بالخلطات للجسم والشعر
بس عمري مافكرت اخذها كتجارة او اشتغل فيها
اي وحده تقولي مشكلتها اعطيها الخلطه اللي تناسبها وهي تسويها

امممممم
عندي قابيلة اتعلم اي شي جديد بسرعة ولله الحمد
لكن احلم يكون لي مشروعي
الخاص وهذا حلم الطفولة
كنت دائم اقول لماما ابي اصير مثل خالو
<<خالي تاجر ولدية مؤسساته مشاء الله عليه

المهم
مشروعي وحلم طفولتي
يحتاج مبلغ كبير من المال + تفرغ تام
وكنت مفكرة ابدء فيه بعد مااخلص دراسة
لكن االان اححس كل مره تضيق ماديا اكثر من اول
>>الحمدلله على كل حال
بالاضافة الى ان وقت فراغي كبير واطفش
عشان كذا فكرت ابدء بتجارة بسيطه
قلت ياعروض باور باوينت
او طبخ مفرزن
او اسوق لتاجرات
شي بسيط ولايحتاج خروجي من المنزل
مدري الافكار اللي تدور براسي كثيره
عشان كذا حبيت الجى لكم بعد الله
وابي مشورتكم تكفون
حطيت خبراتي ومهارتي والاشياء اللي احبها وكل المعلومات
عشان كل وحده تشور علي باللي تحسه مناسب
واللي عندها اي سؤال انا حاضره
والله بدعي لكم من قلب
لاني من جد محتاجه احد ياخذ بيدي ويرشدني


واسفة على الأطاله ..


كل الود والاحترام لكم
[/align]