اقتباس: في الحارة وعصير توت كبير ورقاصة واجيب شعبلة 300 كرسي ولمبات ابو تلاوين كلة علي بعضة ما يكلف 10 الاف اذا خرجناء الشيش والمعسلات من الحسبة اقسم بالله ضحكتني من قلب الله يسعد قلبك يابن الحلال انا تو أمس أمس بالضبط خطبت بشكل رسمي ويقالي الحين صرت من ذولي اللي امرؤ القيس وخويته بس الشهادة لله اني متزوج في بيت طيب وناس طيبين وخيرين المهر طال عمرك 30.000 وعلي حفل الزواج وترآي حاط أول شي في بالي > ثلاثة حق على الله اعانتهم وواحد من هالثلاثة > ناكح أراد العفاف يعني صدقني هونها وتوكل على الله وبتشوف التيسير والفتح بشكل ماتتوقعه بس اخلص النية لله وبتشوف من تيسير ربي العجب العجآب اقولك امس احوس وفتحت موقع جمعية وئام اللي يضبطون المتزوجين لقيت حاطين شروط على سهالتها إلا أنها تحسسك كنك تراجع في دائرة حكومية روحآت وجيآت ياشيخ ضحكت لما شفت خطاب تروح لجمعية نقاء حق التدخين يسوون لك فحص ويكتشفونك انك تدخن ولا لا والله اني مانيب أدخن بس ضحكني ذا الشي الزبدة واناخوك توكل على ربي قبل كل شي ويالله خل نشد بعضنا بعض كلن مع شوشة الثاني ونتزوج بس شششسمه دام تقول وظيفة أبو 3000 باليد ادخل توظف طال عمرك لأن من ضمن الشرو ط انك تكون على راس العمل وفي هذي أشوف معهم حق لأن الجدّ لو تقدم شخص لخيتي على افتراض مهما كآن من دين وخلق وكل شي لو عاطل مازوجته عشان لايظلم نفسه ولا يظلمها معه فـ الله الله بالبداية الطيبة وأسأل الله أن ييسر أمري وأمرك ويفرج همي وهمك ويرزقني وإياك من حيث نحتسب ومن حيث لا نحتسب ويرزقنا الزوجات الصالحات والذرية الطيبة البارة والسعادة في الدارين ؛ آمين . زوجتي أحبتس <~ خطمة