المشاركة الأصلية كتبت بواسطة عاطلة جدا

السلام عليكم ورحمة الله وبركاته
جزاك الله خير اختي تلاوة
انا أتصلت عليهم وأعطوني رقم الفاكس عشان أرسل السيرة الذاتية
وأرسلتها وبعدها أتصلت عليهم عشان أتأكد من وصول الفاكس
كلمت شئون الموظفين وقالو أن الفاكس وصل لكن الي استغربته أن الموظف طلب أرسل
صورة من كرت العائلة وبسرعة.. طيب والشهادات ؟ ما طلب أي شهادة
قال أرسلي كرت العائلة ، قلت له طيب أنا ما أعرف الأن انا مقبولة ولا لا
كيف أرسل كرت العائلة في وظيفة يمكن ما انقبل فيها وبدون شهادات خليها الين
المقابلة الشخصية واجيب الكرت مع الشهادات .
قال لا ما ارفع السيرة الذاتية حقتك ِ للإدارة الاّ بكرت العائلة
والحين أنا مرة محتارة ارسلها ولا لا ..أخاف ياخذون الكرت عشان مكتب العمل والعمال
ويوهمونهم انهم موظفين سعوديات يعني توظيف وهمي .
تكفون يابنات ابي شوركم وش السوات أرسل ولا لا
المشكلة انه يبيها بسرعة يعني لازم اليوم أو بالكثير بكره .
رقم الفاكس للي تبي تجرب حظها 6367938