انا اختبرت الاحد اللي راح في مركز الاشراف بجدة وفي البداية رفض يختبرني علشان يقول سوالفك طويلة قالي روح حلق بعدين تعال وعلى فكرة اذا شعرك طويل والا سوالفك طويلة ماراح يسوون معاك مقابلة الا بعد ماتحلق يعني زبط وضعك من بدري وحلق علشان لا يأخرونك ورحت حلقت ورجعت لهم اول شي بديت مع الحاسب وسئلني اسئلة كثيرة بس بكتب لك اللي افتكره في البداية تكون قدامه قطع ويقولك ايش هذي القطع فيه مذر بورد وهارد ديسك ومعالج وكرت شبكة وكم قطعة ناسيها بعدين يسألك - ماهي برامج الأوفيس ؟ - ايش اسم الصفحة الرئيسية في الورد الأكسل و الاكسس والبوربوينت - ايش الفرق بين البيانات والمعلومات ومين فيهم الثابتة ؟ - يقولك اذكر لي ترتيب الاحجام اللي هي بت وبايت وكيلو بايت وميجا بايت وجيجا بايت ؟ - البايت كم بت والكيلو بايت كم بايت والميجا بايت كم كيلو بايت والميجا بات كم بايت ؟ - ايش الفرق بين الملف والمجلد ؟ هذا اللي افتكره من الاسئلة لأنه سئلني اسأله كثيرة و بعدين يخليك تشتغل على الورد او البوربوينت او النت انا خيرني قالي ايش تبغى قلت له نت وقالي خلاص افتحلي النت وبعدين خلاني اشتغل على الورد بس انا قلبتها معاه وناسة علشان كذا خيرني وبعدين رحت عند حق اللغة العربية جابلي كم بيت شعر وقالي اقراء وانتبه ترى بيدقق على الحركات وبعدين قالي عبر عن اي موضوع في سطرين وبعدين رحت للجنة الثقافة الاسلامية قالي افتح المصحف واقرى ما تيسر وسألني في نفس الايات اللي قريتها وقالي ماهي اركان الايمان وماهي الكتب السماوية وسئلني اسئلة ثانية بس ناسيها وكذا خلصنا ولاتنسى تدعي لنا بالتوفيق اهم شي انك تدخل واثق وخذ الشغلة عادي ولا تتربش وان شاء الله راح تمشي معاك سهالة ان شاء الله اكون افدتك واعذرني على الأسئلة اللي ناسيها بالتوفيق اخوي