المشاركة الأصلية كتبت بواسطة الرقم الص

لكثرة الرسايل من الشباب ابسرد لكم القصة حقتي من اول مادخلت مركز التدريب لين ضربت الباب

اول شيء وصلنا عندهم الساعه 6 وقامو يدخلونا بالسرى ماكملو الشباب كلهم الا الساعه 11ونص طبعا من الساعه 7 الى الساعه 11ونص تفتيش كل شوي يدخلون دفعه يفتشونهم الباكستانيه ابو نسافه ينفظك نفض بس تقدر تهرب الي تبي بسراول الداخلي تحط له مخابي وفيه بعض الاماكن بالشنطه ثاني شيء الامواس ومكاين الحلاقه ممنوعه يصادرونها عليكم يعني لاتخسرون بعد التفتيش قاسو الطول وعلى السريع ماسقطو احد بعدها وقوفونا بالشمس وترتيب وبعدها على الغداء ثلاث دقايق واكل الله يديم النعمه بعدها صلاة العصر بعدها تمام وتصليبه على الشمس وبعدها فسحه لين صلاة المغرب بعدها جازونا اه ياركبي اه يارجولي الله لايعيدها من ايام بعدها صلينا العشاء وعشونا ولطعونا ساعه العالم كلها تبي تنام بعدها صرفونا للمهاجع الساعه 11 وصحونا الساعه 4 والغرف زحمه مهجعنا فيه 30 واحد حاشرينا حشر تقول هنود في ترحيل الجوزات هههههههههههه

بعدها صلاة الفجر بعدها هروول يابوي ادعس لين الساعه 7 بعدها فطور اربع حبات زيتون وجبنه كبر الاصبع الصغير وطحينه ومويه وعصير مليان كافور ههههههههههههه بعدها هروله وتدريبات لين الساعه 10 بعدها فسحه 45 دقيقه بعدها هرووله بعدها صلاة الظهر بعدها الغداء والله انوااع الاذلال ههههههههههههه بعدها جزاء الظهر الساعه 1ونص لين الساعه 3 امتد انهض على بطنك على ظهرك حركة البطه ههههههههههه

بعدها صلاة العصر بعدها هرووله لين قبل المغرب فسحه بعدها صلاة مغرب بعدها تدريبات عسكريه وبعدها صلاة العشاء وتتعشى وتنام وعلى هالموال ههههههههههههههههههه

الله يعينكم يالي بتدخلون الدوره اهم شيء اهم شيء اللياقه انصح الي بيدخل الدوره قبلها بشهر تكون لياقته فل

وقعدت عندهم ثلاث ايام وضربت الباب تهاوشت مع مدرب باكستاني بس طلعت حرتي فيه

والبشره من اول يومين يطلع لك جلد جديد ههههههههههههههههه

الله يوفقكم جميعا وهذي الزبده