[align=center]
قولوا (لا إله إلا الله)

انا والله دخلتها مجبور قالي ولد خالي أدخل واتوسطلك قلت يبن الحلال والله كرف وأنا أعرفها زين
والناس اللي دخلوها مايمدحونها طبعا نسبتي في الثانوي 81 (أيام الوزارة ) وطبعا بعد تدخلات الوزارة الداخلية
أن جبرنا وغصب بعد قلنا يالله رضاء والدين والله وكيلك اليوم هذا لا ينسا 19/2/1430 وافهم يافهيم

دخلنا وانواع الهجولة من المدربين مدرب صاحي ومدرب مجنون بس أمانة فايدة وحدة استفدتها الا وهي الوزن
كان 100 نزلت إلى 67 بس الحين خربتها مافي الا شغل الخمس المهم تخصصت برمجيات
وجبي ممتاز 4.59 مع مرتبة الغمارة الخلفية وبعدين قلت خلاص مالهم حجه ممتاز ويبون الاوائل
ومعي واسطة ومايقص راسي سيفين وأخرتها مالك إلا بن لادن حارس طيب والمشوار دا كله لبن لادن يعني

الله يعين بس المهم رحت كلية الاتصالات****************>باقي طموح الله لا يضيع لي تعب قالوا مافي برمجيات
إلا بالطائف والليل قلت ماني رايح غيرو التخصص عطوني دعم فني وكعتلي سنتين وعسالله يوفقني
باقي التدريب التعاوني دعواتكم لي بالتوفيق والله يرزقني الزوجه الصالحه

هذي تجربتي مع معهد بن لادن ******** قصدي الحرس واتمنى تفكرو مزبوط قبل تخش إي شي

ملاحظة : الواحد مايدري وين رزقه والدنيا ارزاق ابذل السبب والباقي على الباري سبحانه
واحد من اللي كانوا معي انحاش أول الدورة راح البيت طرده أبوه تنكد الولد ورجع وسبحان الله
هو توظف مع اللي عينوهم وان أبو واسطه وممتاز (أقلب وجهك )والله ارزاق والحمد لله سبحانه

عسى ان تكرهوا شيئا وهو خيرا لكم وعسى أن تحبوا شيئا وهو شر لكم

نصيحتي :الانسان اللي يحس أنه يبي يدرس ومخربها أيام الثانوي مع النسبه يخش ويشد حيله
ويختار التخصص اللي يبه ويكمل في إي كلية التكملة سنه أنا عشان غيرو تخصصي بس

والانسان اللي متضايق من وزنه يخش وهو مطفي نوره والله غير الشمس تقلبه حميس
والانسان الفاضي يدخل واذا حصل شي ثاني زين وقت الدورة يسحب ملفه ويروح والله بالارزاق

أسف على الا طالة وشكراً
[/align]