اولا مبروك ترشيحكم
ثانيا صراحه لقيت كم رد هنا اللي تتحسب علينا عشان احنا اعترضنا على الدبلوم والمعاهد

ياخوات احنا ورب البيت مو ضدكم احنا كلنا مواطنات ومن حقنا نطالب بلدنا بس كلمونا بالمنطق وبالحقوق
انا راح اتكلم عن نفسي تخصصي عربي تخرجت من 9 سنوات اول ماتخرجت بحثت عن فرصة عمل والكل طالب وفضل التربويه علي قلت يابنت لحقي واكملي التربوي وربي يطول بعمر ابوي درست هذيك الايام ورب البيت 10000 ريال كله ليش مع اني دارسه 4 سنوات كل عشان اكون جديرة مثل غيري التربويات وما احس انهم افضل وخلصت وربي ماجلست توظفت سنتين بمدرسه اهليه كرف ضغط مشاكل استغلا راتب 1500 اصرف على تشيجع البنات والهديا وكله ليش ؟؟ عشان ازيد نقاطي بالخبره اذا الديوان قدم بعدها المدرسه انتقلت لمالك ثاني وكانت سياسته استغلال ماقدرت استحمله وتركت وقلت يالله تجلسين واليوم بحياتك زي بكره لا رحت وقلت باخذ دورة حاسب وسالت وش الافضل قالوا الرخصه الدوليه والحمدالله اجتزتها من اول مره وبعدها ماجلست اخذت دورة معارف وعلى طول دورة انجليزي وصلت مستوى ثاني بامتياز وكنت راح اكمل كنت ابي دبلوم انجليزي لكن طلع اسمي بالدراسات العليا ماجستير ورحت ادرس يعني ورب البيت سالتكم بالله من الاحق خريجه دبلوم تعبت بس سنتين وجلست ولا فكرت ترفع مستوواها او شهاداتي اللي اتعب وابكي من القهر اذا شفت ملفي ؟؟؟
احنا ماتحسبنا عليكم كنا نتحسب على اصحاب المراكز اللي يعملون بالديوان واحنا قهرنا لان بنات الدبلوم غيروا البيانات وحطوا بكالوريوس ؟ هذا مو اسمه غش بذمتكم الخيارات بموقع التقديم مافيه خيار دبلوم والقرار كان واضح ان الوظائف لتربويات الجامعيات وظائف المستوى الخامس يعني نص رصيح
انا اليوم كنت بالوزارة وكانوا بنات دبلوم معنا وكلموا معنا الدكتورة بدرية العرادي مديرة التوظيف النسائي قالت لهم الدكتورة اسمحوا لي ليس لكم حق بها انتم سجتلوا بيانات غلط تتحملون هالخطاء وطلعت خطاب رسمي لهم واصل اليوم من الوزير وخلتنا نشوفه عشان نتاكد كان النص يقول يرحى العمل على استبعاد الدبلوم والغير تربويات من الوظائف والتاكد من صحة بيانات كل مرشحه

احنا ياعالم نبارك للي تستحق بجداره واخذتها وتعبت يعني الدعوه ترى على قد المضره يا اخوات احنا نبي الخير يعم بس بعدل والله

والامل بالله اكبر من كلام البشر وتاكدي اذا ربي كاتب لك رزق ومن نصيبك محد راح ياخذه منك لو حاول
اخر كلامي
وإن اجتمعوا عَلَى أن يضروك بشيء لم يضروك إلا بشيء قد كتبه اللَّه عليك،