السلام عليكم ورحمة الله وبركاته



بسم الله الرحمن الرحيم






الحمدلله والصلاة والسلام على رسول الله وعلى آله وصحبه أجمعين






بقولكم قصتي اولا انا عمري 23 سنه وادرس في الجامعه ومتغرب عن اهلي انا ذبحني التفكير من هالدنيا كله بسبب الفلوس الله لايبارك فيها اوقات والله ما املك ريال واحد واتحمل جوع بطني كثير اقسم بالله العلي العظيم الذي لا اله الا هو اني اكل في اظافر يدي يوميا قرابه ساعتين مدري ليش اسوي بنفسي كذا انا ذبحني التفكير ودي اخلي اهلي اغني ناس وودي اصير غني انا انسان محافظ ع الصلوات الحمدلله بس تعبت من الفلوس فكرت كثير اشتغل في بيع الدخان لانه مربح كثير بس بالاخير وقفت لانه حرام ومابغي شي يدخل في جسمي ويكون حرام دائم اخلاقي زفت مع الكل حتي مع اهلي واصحابي ماروح معاهم لاي مكان لانهم يروحو يتعشو وانا يكون مامعايه فلوس لان ورايه ايجار بيت وايجار سياره مصروف وماتكون معايه فلوس فكرت اشتغل من بعد الجامعه بس ماقدرت لان دوامي من 8 الين 3 الظهر فصعب ابدا من الساعه 4 العصر الين 12 الليل مقدر اذاكر فكانت في بالي فكره ناجحه اني اوصل بنات واخذ منهم فلوس ومافيها وقت كل ثلث ساعه او اقل بس كلهم رفضوني لاني صغير طيب انا وش اسوي بعمري اللي مثلي ايش يسوي ولو انت بمكاني ايش تسوي اقسم بالله كاره كل الناس ماني طايق اشوف ولا احد ودائم اتمني الموت مع العلم ان عمري 23 ولسا العمر قدامي بس ربي اكرمني بنعمه الجمال حتي جسمي الحين مره نحيف وربي وزني مابعد كمل 50 كيلو لسا في الاربعينات تعبت من التفكير واختباراتي قربت ومالي خلق بأي شي والله نفسي ضايقه يالله يارب فافرجها عليه يالله ياكريم لاترد دعوتي تكفون اللي يشوف رسالتي يدعيلي بصلاته وخصوصا بسجوده لحد يشوف رسالتي ويسكت امانه كل اللي يشوفها يدعيلي وربي متحطم للاخير يالله ياكريم تساعدني