اقتباس:
المشاركة الأصلية كتبت بواسطة أم ميثو
[align=center]
ما احد يزعل من الحق وكلامك صحيح ...
بالعكس عن نفسي ماحسدت احد ... بالعكس الله يوفقكم جميعاً ...
انا اتكلم من ناحية اني مااحط يدي على خدي واقول راحت علي الوظيفه الله يعوضني ...
لا ربنا قال خذوا بالاسباب ... الرزق ماراح يجيك الى عندك الا اذا واسطتك ماشاء الله ...
اذا انت من اهل الديره ولاتعبت وانت رايح تختبر وتسوي المقابله فغيرك ماسكين خطوط روحه وجيه ... اكثر من 500 كيلوو عشان يلقى وظيفه يستقر فيها ...
وشهي اللي وظيفه لا راحت ولا جات من اي منطلق انت تتكلم ...؟؟
الله يوفقكم يارب بالعكس يااخ ...
اللي عاطلين يبون يتوظفون يتزوجون ويأسسون اسره شلون تبي هالشي وهو طايح لاوظيفه رسميه ولا راتب يقدر يعيش به هو وبنت الناس ويخلي اهل البنت يوافقوا عليه ...
عاطل مالقى له وظيفه يعيش نفسه واهله ...
البنات نفس الشي بعض الاسر عايشين على مكافأة الجامعة او حتى مكافأة طلاب الابتدائية المعونه الشهرية اذا ماتدري عن احوال الناس ...
انا مااحسدكم اللي ماانقبلوا يفضفضون عن مافي انفسهم ...
اعتب عليك لما تقول وظيفه لاراحت ولا جات ...
هذي وظيفه رسميه تفتح لك وللي حواليك باب رزق مع هالدنياا وغلاااها ....
مع احترامي لوجهة نظرك مااعجبتني نظريتك (((والموضوع كله وظيفه الله لايجيب اكبر من ذلك ماهي مصيبه لافي اهل ولا مال ولا ولد)))
[/align]
|
ياهلا فيك ام ميثو اولا انا ماقصدتك ولا قصدت احد بعينه ولكن دام فتحتي السيره ماعندي مشكله نتناقش عشان كل واحد يفهم وجهة نظر الاخر انا مااختلف معاك بان الوظيفه ضروريه ومن مستلزمات الحياه ولكن اذا الله ماكتبها لك تطلعين السماء تحاجين ربك على ماكتب لك من الايمان,الايمان بالقضاء والقدر واغلب الردود حسيت ان الدنيا انتهت مع الوظيفه
التوكل على الله ثم التوكل على الله ثم الثقه بالله هي السبب في كل رزق
وين احنا من حديث الرسول الكريم عليه افضل الصلاه واتم التسليم
(لو توكلتم على الله حق توكله لرزقكم كما يرزق الطير تغدو خماصا وتعود بطانا ) .
اغلب اعتمادكم كان على دورات وخبرات وشهادات ونسيتو ان كلها ورق وربي هو الرازق
وهي كلها مجرد اسباب لهذا الرزق
اللهم إنَّا نَسْألُكَ رزقا حلالا طيبًا مباركًا فيه,
وحكايه اني من اهل المنطقه فأنا من اهل المنطقه ولكن ماني مستقر في ابها وحاليا
جالس عند اقارب لي بخصوص هالوظيفه يعني لاتفكرين كل من قال هالكلام مرتاح
او مبسوط ماديا بس كنا ولازلنا عايشين بدون هالوظيفه والحمد لله الامور ماشيه وربنا ماينسى احد,
والرزق بيد الله لابيد خلق ولا بيد وظيفه اغلب المتوظفين يستلم الراتب ولا يكمل معاه يومين
الا وهو خالص وباقي الشهر عايش على المديونيات وغيره لاوظيفه ولايحزنون وعايش ملك
لان القناعه كنز لايفنى ومن رضي بالقليل اتاه الكثييييير.
بالنهايه اختلاف الراي لايفسد للود قضيه والله يرزقكم ويرزقكم ويرزقكم من اوسع ابوابه
مااتمنى لكم الا مااتمناه لنفسي وكلنا تعبنا وتمشورنا وطلعنا ونزلنا عشان هالوظيفه
وبالاخير هي ارزاق يوزعها رب العباد وماعلينا الا نسعى لها ولا ازكي نفسي على الله وانا قلت لكم لاتسكتون عن حقكم واذا لكم نصيب بيجيكم.
الحمد لله حمد الشاكرين الراضين بالسراء والضراء
تركي