حلواتي***
وش صار على موضوعنا لاتقولون نتجمع رحت الثلاثاء 9 لا لقيت احد
ومشيت واصلا مااقدر اوقف لحالي ووراي دوام!!
طيب بنات الان اذا قلتوا للمحامي فيه واسطة وش اللي يثبت؟؟نبي اثبات واللي كلمت المحامي تقوله كيف نثبت الواسطة وهل يستطيع هو؟
هل تعرفون احد نقاطه مش حالك؟ واقل من المطلوب؟؟عشان نعطيه الاسم والنقاط؟؟
هل تعرفون احد ماخذ رشوة؟؟
طبعا بعد الصدمة من الاسماء ..سألت صديقة لي من الجنوب تدرون وش قالت؟؟
ترا حمدي قبيله كبيره في جازان صامطة.. وعلى فكرة فيه اكثر من مجمع مدراس توه فاتح في جازان
حتى الشمال معروف قبايل الشمال الرويلي والعنزي
المشكله لازم يكون عندنا دليل حتى المحامي لو بنكلمه بيقول عطوني على الاقل كذا اسم تعرفونه بواسطة ولايستحق الترشيح!!
بنات نبي نفكر زين ونبي حجة مانبي كلام ومستحيل الوزارة تعترف بالتوسط لأحد ,,الا اذا اثبتنا وطلبنا الرد على مرشحة لاتستحق
طبعا كلامي هذا لايدل اني احبطكم او اثبطكم زي مااتهمتوا عاطله لغه عربيه !!
مافيه الا صريحة هي اللي كتبت وارسلت خطاب واحد//من فكرت تكتب //طبعا موتثبيط ذا هذا واقع كيف بيلتفتون لكم وانتم ماوصل للفساد الا خطاب واحد!!
عن نفسي كتبت وراح ارسله بكرا ان شاءالله لأني عندي اثبات وحده دخلت بواسطة ولقيت وحده اعلى منها وتستحق ومقدمة على جميع مدن المملكة ونسقت معها وخذت الاسم والسجل والمعدل والله يكتب اللي فيه خير...
اشتغلوا صح اثبتوا فالمتهم برئ حتى تثبت الاددانة والدليل...والله يوفقني واياكم ويسدد خطاي وخطاكم ويرزقني ويرزقكم من حيث لااحتسب ولاتحتسبون
