المشاركة الأصلية كتبت بواسطة جنون وامل اكبر

بسم الله الرحمن الرحيم
اخباركم حبيباتي وش مسووووووين
حبيت اطرح لكم فكرتي وابغى منك تنصحوني
انا خريجة كلية المجتمع حاسب الي

بس للاسف مالقيت لي وظيفه كان حلمي اتوظف بنك ماكنت اخطط على القطاع التعليمي

بس للاسف حتى البنوك مايشتغل فيها الابنات الواسطه

وماقدرت اتوظف

وجلست اربع سنين باليت من غير فايده بالمجتمع

وذبحني الملل والطفش

بعدها كنت اتابع المبوبه وشفت اعلان مطلوب بائعات
ويوم اتصلت قالوا بالمقصف وراتب 900

صراحه تحمست لاني بطلع من البيت والملل
بس بعد 3 سنين الشغله تعب وراتب مايسوى
والملك طالب بتحسن الوظايف وشركتنا مطنشه
قررت استقبل الطالبات وهذا الي سويته

قلت للمعلمات المدرسه اذا تعرفون حد يبغى يدرس عياله

ارسلوهم علي بالبدايه كنت اخذ منه 250
وبعدها 300
والحين 400 لانه بجد تتعبين معهم خاصة انهم اطفال
والحمدلله صباح اداوم والعصر ادرس بس كان التعب
ماعندنا شغاله وكنت احاول ماقصر بيت هلي
ومازعج امي
وهذي السنه ولله الحمدلله

صرت ادرس مدرسات بمدرستنا حاسب يجوني البيت

وصرت اشتغل معا المعلمات على الحاسب ومايطلبون مني
من اوراق عمل مطويات عروووض
لوح للفصل اي شي يبغونه حاسب

وربي فتحها بوجهي معا راتب المقصف صرت حوالي استلم الحين 4000ريال

وحده من المدرسات تبغى تسوي معي مشروع اني اسوي بيتنا مكتبه صغيره خاصه لشغل المعلمات
واحس اني محتاااره وش رايكم تنصحوني اشاركها او لا