المشاركة الأصلية كتبت بواسطة الرنا

الله يخلف علينا بس

(((بعض))) الرجال , لا يصلحون كازواج ولا حتى آآباء للأسف .

فاهمين الحياة الزوجية غلط في غلط << كلامك صحيح و يستاهلون السجن بعد

شكرا ع الموضوع عموما ..بس تدري ليه البنات تنرفزوا

لان فيه شباب كثيير في مجتمعنا يجيك ماشي مليون ويعجبه الكلام اللي انت كتبته وتحصل اخلاقه ما تنبغى ولا بقرش << هذا يسمونه قلة عقل و قلة فهم و قلة ثقافة عن الحياة الزوجية إذا البعض منهم نظر بهالنظرة للحياة الزوجية

هالشيء اللي يخلينا نضطر نرد علشان بعض العقليات . جزاك الله خير

اجل تقول : يجب ان تستقبلي زوجك بعد ما يرجع من العمل ,, طيب لازم تنتبه ان الزوجه ممكن تمر عليها أيام جسمها منهد من العيال والطبخ والترتيب .. هاليوم اللي ما قدرت ترحب بأبو الشباب وكان ابو الشباب عقلية هالكبر
وشلون بالله بنطلع منها. << أحب أعقب على كلامك الله يسلمك و هل إنتِ تتوقعين إن كل يوم لازم الرجل أو المرأة يكونون في مستوى الكمالية كل يوم لمدة 365 يوم ؟ بالتأكيد لأ ... الكلام غير الفعل لكن المقصود مو بشرط إنها تستقبله بهالكمالية لأن الموضوع يتكلم في الأساس و بوجه عام لأن فعلاً بتكون فيه أوقات الطرفين ما يكونون مهيئين للحالة المزاجية هذي ... الحياة الزوجية عبارة عن فصول و تغيرات تتجدد بإستمرار الحياة نفسها ... لأننا في النهاية بشر فلابد الأساليب تختلف في طرق الإستقبال و طرق التعبير عن المشاعر و الإحترام المتبادل ... فالتغيرات تفرض نفسها على أسلوب الحياة

صحيح انت ذكرت (لبعض) ع قولتك بس ع فكرة بناتنا في معظم الاحيان مساااااكين ما يستاهلون هالكلام وهالمواضيع اللي توجه للمرأة منتشره بغرابة .. رغم ان الرجل في مجتمعنا .. شوي ويقص ظهر الحرمة .. لا تقدير ولا تفهم الا حالات (ناااااااااااادرة) جدا للاسف

أخالفك الرأي الله يبارك فيك لازم ولا بد إن نطرح مثل هالمواضيع لأنها في الأصل و في الأساس بتتكلم بوجه عام ... يمكن نظرتك تختلف عن نظرة أنثى مثلك ... لازم يكون فيه توعية و تثقيف ... ممكن إنتِ تشوفين هالكلمات قاسية لكن غيرك يشوف إنها معلومات جديده و تنبيه و تعليم و تثقيف بالذات للي ما خاضت حياة الزواج ولا عندها خبره

ولا وإاذا شفته اخلاق مع زوجته تجمعت عليه شياطين الانس والجن لحد ما يزعزعون العلاقة << فعلاً كلامك واقعي و صحيح و وصلت للطلاق ... فعلاً فيه كذا بنت تطلقت من زوجها بسبب الأهل و هي من داخلها تحبه و ما تبغى الطلاق و تندمت عقبها و فيه كذا زوج سمع كلام الناس و طلق و في النهاية ندم و راح للشيخ وهو متندم عشان يرجعها

.. يارب إعانتك وسترك ورضاك << اللهم آمين

أقول ما ودك تكتب أو تنقل موضوع موجه للرجال فقط ,, وكيف يتقون الله في المرآة ؟؟؟؟ (مجرد اقتراح) و الله أقترحت لو قريتي ردي كنت عرفتي الله يبارك فيك و لو تحطين موضوع يخص و ينبه و يكون مفيد للرجال تكوني عملتِ خير و نرجوا من الله عز و جل أنه يكون في ميزان حسناتك إن شاء الله و ما تدرين لعل و عسى إن أحد من الأزواج يقرا الموضوع و يكون موضوعك سبب هدايته


وبالمناسبة ع طاري انها تقدر أهله وتصلهم ..ترى في أهل زوج ..ما تقول اهل ..إلا تقول (يهود) << صحيح كلامك الله يهديهم ,,ينصبون العداء والمؤمرات (طبعا بعض أهالي الازواج) كلامك صحيح .. مضطرين نقول بعض << لأن مو كل الناس مثل بعضها كل ابو شوي يا ويل حالنا والزوج يجبرها على زيارتهم لحد ما تكرهم وإذا كرهتهم ,, قال انتي وانتي !! غلط إنها يجبرها لازم يكون فيه تفاهم بين الطرفين