اخوي ضاع عمري هو مقيم مع والدته علما انه مو شقيق لي اخوي من ابوي مقيم في بلد امه عربية امه المهم وراح قدم طلب للسفارة وارفع بخطاب يشرح فيه ظروفه وانه مقيم واثباتات وكذا وارسلوها للخارجية اخذت تقريبا اسبوعين او 3 واتصلو عليه قالو له راجع الشؤون القانونية بالسفارة راجعهم ووقع عقد معهم وبدى يداوم

التعاقد في تعاقدين في التعاقد من الخارجية تقدم اختبار اتوقع وتقدم لوكيل الوزارة تداوم سنة في السعودية والباقي عاد انت وحظك اي بلد بالعالم وتعامل معاملة الدبلوماسي ويحق لك انك تكمل دراستك وتترسم بعد مدة معينة

المتعاقد عن طريق السفارة هذا الي يكون مقيم ويبي شيء يصرف عليه وعلى عائلته تكون التعاقد دوام 3 ايام بالاسبوع يعني تشبه الوظائف الاسمية بنفس الوقت لو كمل دراسته بتخصص يحتاجه السفارة يتم رفع اوراقه للترسيم مع استثناء تردد البلد يعني مو كل 4 سنين في بلد لا خلاص يجلس ثابت من 10 الى 12 سنة في نفس هذا البلد حقه وبعدين لو حب يرجع للسعودية للخارجية يداوم سنة وبعدها يسافر الخارج او انه يداوم ويستمر بالخارجية

المهم كلها رواتبها وحدة بالدول العربية للمتعاقدين : 8900 ريال سواء خارجية او سفارة هذا بالدول العربية الاجنبية مدري اكثر اكيد


اما المترسمين رواتبهم فوق ال 15 الف ريال : ويدفعون اجار بيتك بالخارج وتأمين صحي وتأمين دراسي لاولادك وتذاكر سفر ويكفيك جواز دبلوماسي كحلي معك المتعاقد ما تصح له هذه الا بعد الترسيم