أولا : أتمنى انها تستمر لمده سنه بس هالشيء مستحيل لسببين :

- انهم شغالين بكل مايملكون من جهد وطاقه عشان يطلعونا من هالبرنامج و يقلصون عددنا باسرع

وقت ممكن لان من تصريحات المسؤولين الاخيره واضح اننا كلفنا عليهم .. التصريح الاول لما قالوا اننا

ما توقعنا هالعدد وان الشهر الاول دفعوه من الصندوق بس الثاني والثالث ساعدتهم الماليه وكلنا نعرف

الماليه يهمهم المواطن مررررره ودهم حتى الورث يتقاسمونه معنا و ما ننكر دور الصندوق الفاشل

فأنتم برأيكم بيستمرون يصرفونها سنه وهم لهم بس 3 شهور و كل يوم نصريح يتذمرون فيه .. الله حسيبهم

وعندكم التدريب الالكتروني و بعده التوظيف الالكتروني ... أنا عندي شهاده من صندوق تنميه

الموارد البشرية اسمها ( تهيئة طالبات العمل للقطاع الخاص ) مسجلتها بصفحة بياناتي من ضمن

الشهادات وهي نفس بالضبط التدريب الالكتروني اللي ازعجوني فيه يعني بالله اخذها مرتين

وش ذا المهزله ولو ما دخلت قالوا انتي غير جاده وبيباي يدورون الزلة علينا ... حسبي الله ونعم الوكيل


- اخر تصريح يقول المسؤول ان فيه عقوبات للي مو جاد بطلب العمل ويرفض الوظايف المناسبه المقدمه له

طيب ممكن سؤال لحضرتك على أي أساس تقولي ان الوظيفه مناسبه ؟؟؟؟

انا رحت لطاقات اكثر من مره

بناء على شهادتي بكالوريوس رياضيات ودورة حاسب ودوره انقلش ودورة مساعد إداري ودوره تهيئة

طالبات العمل للقطاع الخاص قلت لها هذي الوظايف اللي تناسبني بس كني أكلم جدار

كل يومين تتصل وتعطيني وظايف قسم بالله لو مامعي شهادة أبد أقدر أشتغلها


واخر وظيفه راتبها 2500 بجنوب شرق الرياض وأنا بأقصى شمال الرياض أقولها بعيده والسواقين الحين

يأخذون 1200 رايح جاي وياويلك تعترضين بالله يبقالي 1300 و هاللي بيبقى اصلا بيروح على قطة فطور

وتصليح معامل ومدري ايش انا سبق وجربت .... تقولي لااااااا بالعكس قريبه منك يعني مدري وش

البعيد عندها اني اكون مثلا بالرياض والوظيفه بالدمام .. هذا البعيد يمكن .طبعا انا اقول بعيده قياسا على الراتب

يعني لو الراتب أكثر من كذا ما همني لو الوظيفه بجنوب الرياض ماتفرق بس راتب قليل ما يمشي الحال ابد

هذي طبعا افضل وظيفه لقتها والا الوظايف الثانيه معلييييش غبيه مع اني سبق وشرحت لهم لين تعبت



فالحين ممكن اعرف على اي اساس بتقيمون اني ارفض الوظيفه اذا كانت البنت اللي بطاقات واللي

توك مدربها وماتعرف كيف تختار وظايف للخلق هي اللي بترفع اني رفضت .. جب لي ناس مؤهله

وتعال حاسبني ...


نرجع لموضوعنا يا ناس بيشخلونا قبل تكمل السنه .. يارب كل من أراد يقطع هالرزق اللي جاء لي و لكل مسلم ومسلمه أنك تشغله بنفسه يارب أنت القادر يا رب العالمين


وشكرا