اممم بالنسبة لمكان الاختبار إذا كان نفس مكان اختبار التربية الخاصة ، أذكر حسنا لحد ما لقيناه .
و أبقولكم وصفه :
أول ما تدخلين من البوابة اللي مكتوب عليها كلية العلوم أقسام الطالبات ، و تعدين الأمن ، تلفين يمين و تمشين سيدا ، و راح تمرين على ساحة فارغة طويييلة و بعدين يجيك مبني ، إذا دخلتي المبنى ، تمشين سيدا لحد ما توصلين الكافتريا ، و قبل الكافتريا بتلقين ممر على اليمين ، ادخليه و تلقين على طول باب على يسارك ادخليه و تصعدين درج و توصلين للممر اللي بتلقينهم موجودين فيه لاستقبالك . << حسيت صارت خريطة كنز
هذا كان مكان اختبار التربية الخاصة إن لم تخوني الذاكرة
و احتمال يكون هو نفسه ، ما أدري
بس حبيت أنبه على حاجة ، ترى في نفس اليوم راح يختبرون بنات التربية الخاصة اللي فاتهم الاختبار ، فتأكدوا أول ما تدخلون من اختباركم .
وفق الله الجميع .