اقتباس:
المشاركة الأصلية كتبت بواسطة عاطل فاهم
حياك ياالمندوب << اسعد الله مساءك وين هالغيبه
المـــثل
(يا مقيط دوك رشاك)
ويقال بصيغة اخرى راح مراح مقيط ورشاه
هذا قصته ان مقيط له خوي وشافو لهم عش صقر وفيه فروخ في جبل
المهم راح
مقيط جاب الرشا الي هو الحبل القوي يستخدمونه في القلبان
وصعدو في راس الجبل واتفقو ان مقيط يحول على العش بواسطة الرشا وخويه يمسكه
يوم حول مقيط وخذا فروخ الصقر قاله خويه الي فوق قبل
يسحبه الحذيه ( يعني يبي مقيط يعطيه احد الفروخ )
قال: مامن حذيه انا اللي محول والرشا انا اللي جايبه قال
خويه مقولته اللي اصبحت هذاالمثل ....
يامقيط دوك رشاك 0 |
راح مقيط
الحي يحييك ، والميت يزيدك غبن
معنى هذا المثل أن الشخص الفطين الذكي يريحك ويزيل همك وكأنه يعيد الحياة لك أما الشخص الكسول الأحمق فيزيدك تعباً وهماً