أنا تربوية لكن أشوف فيه ظلم لغير التربويين !


كيف ظلم ؟


زمان كانوا يعينوا غير التربويين على المستوى الرابع والتربويين عالخامس وفرص التوظيف متاحة للجميع

حاليا ألغوا توظيفهم نهائيا وأقول نهائيا لأن التربويين داخلين في كل الترشيحات إضافة للي مخصص لهم ومن هنا راح يتأخر- إذا ما ذهب أدراج الرياح- توظيف غير التربويين

يعني فرص غير التربويين أصبحت ضيئلة جدا جدا

وهم يعاقبوا بذنب ما اقترفوه .. الحكومة هي اللي فتحت كليات غير تربوية وكانت توظف خريجيها عالرابع من غير اشتراطات وكانوا راضين بالتفرقة في المرتب والمستوى والآن دون سابق إنذار ودون ذنب تدخلهم في منافسة مع التربويين معروفة نتائجها سلفا !

يفترض أن يعاد النظر في التوظيف وتكون الأولوية بالتقدير لأنه هو الشيء الوحيد اللي يثبت كفاءة الموظف ولا يمكن يقنعنا أحد ولا يقنع أي عاقل في العالم أن خريج تربوي بتقدير مقبول أو جيد سيتفوق على خريج غير تربوي بتقدير ممتاز ! واحنا جربنا في المدارس تدريس الفئتين وفي كثير من الأحيان كنا نجد متفوقين في إيصال المعلومة من غير التربويين

الخلاصة هو قرار ظالم وعشوائي وغير مستغرب من إداراتنا اللي أغلب قرارتها مبنية إما على هوى أو عشوائية ولا أكثر من أن الوزير كان عسكري سابق !! فليه ما يشترط يكون تربوي ؟!!

لما تكنسل فرص إنسان في الحصول على عمل شريف لسبب غير مقنع وتقطع رزقه فأنت ارتكبت مظلمة فما بالك إذا اجتمع مع ظلم قطع الرزق ظلم تحطيم الطموحات و.....