اقتباس:
المشاركة الأصلية كتبت بواسطة شوف بنفسك
بارك الله فيك اخوي بغيت اسألك وين القي دراسة جدوى مشروع ؟؟؟
لك الشكر والتقدير
|
هلا
بالنسبة للدراسات الجدوى
هذي اخوي على حسب المشروع والموقع والنشاط وراس المال
اذا المشروع صغير وراس ماله مو كبير ومعروف ما يبي له دراسة
اما اذا كان المشروع جديد وراس ماله كبير فهذا لازم له من دراسة جدوى
تسال من وين تجيب دراسة جدوى للمشروع
اخوي ادخل اسم المشروع بقوقل واحث عن دراسة جدوى له يمكن تلقى
اذا ما لقيت بتحصل اعلانات عن ناس يسوون دراسات جدوى حسب الطلب حاول تتواصل معهم
ونصيحة اخوي لا تلتزم معهم باي مبلغ مادي حتى تشوف المصداقية
لان فيه ناس بمجرد ما يعرف راس مالك واذا كان كبير يلف ويدور اللين يحصل على المال بالوعود والكلام الزين
انتبه
كذلك اخوي في نماذج دراسة جدوى لاي مشروع دورها بالنت وباذن الله تلقاها
هذي نماذج موضح فيها بنود الدراسة الاساسية وانت عليك تعبيها
على العموم اخوي اي مشروع من مقومات نجاحة
الفكرة وتقبل الناس لها
الكثافة السكانية ( كل ما كان المكان مزحوم كل ما كانت فرص النجاح اكبر )
الديكور والمضهر
الدعاية والاعلان والعروض الترويجية
التنوع والجودة ومناسبة الاسعار
ختاما
دعواتنا لك بالتوفيق والنجاح