بسم الله الرحمن الرحيم

السلام عليكم ورحمة الله وبركاته

أشكر القائمين على اتاحة الفرصة لي ولغيري في الطرح ...

خادم الحرمين الشريفين أبوي وأبو الكل عبدالله بن عبد العزيز ...

أبختصر جدا جدا بكلمة تكفا .. تكفا تهز جبااال ورجااال وأنت سيد الرجال ياوالدنا

الحنون المعطاء أطال الله بعمرك ...

قسم الاحياء تخصص نبات و حيوان .. يا أبونا استبعدونا من المفاضلة اللي حضرتك

أمرت بها بدون سبب ولا سابق انذار حتى ...

يا سيدي حنا دراستنا بالاحياء أيا كان التخصص واااااحد كل المواد وحده اللي يختلف

ترتيب المواد على المحاضرات بس والا الباقي كلنا سواسية فيه ..

لنا سنين وسنين ننتظر التعيين وما جانا وفرحنا بالمكرمة اللي أمرت بها سيدي

وبنينا آمال كثيرة ويوم نزلت الاسماء قلنا مالنا نصيب والحمدلله ,, لكن الصدمة انه ما

دخلت أسامينا بالاساس في المفاضلة استبعدنا يا سيدي أو اسمحلي أقولك يا بوي لان هذا

اللي أحس به وربي ... استبعدنا بدون ذنب .. قرار ما ندري مين اللي أصدره هدم

كل شي سويناه دراسه وسهر وتعب ومشاوير الله يعلم بها سبحانه ....

أرجوك أنك تأمر بتوظيفنا الفوري ... وكلامك كله أوامر بحنانك ولطفك وعطائك يابونا

ندخل ونقدم أوراقنا وحنا كلنا ثقة في وزارة التعليم و وزارة الخدمة المدنية ..

هذا والله ظلم .. وأنت مالك دخل فيه أبد و محللينك يابونا الغالي منه ..

نحبك يا خادم الحرمين كــ أب حنون لا حرمنا منك ومن طيبك وهذي مشكلتنا

وهمنا اللي صار كابوس ما ينتهي الا بـ أمر بسيط من عندك وكلمة طيبة في حقنا

تقولها وكلامك كله طيب ....

مين يقدر يوصل هالكلام للمقام السامي يوصله بلييييز

أرجوكم خلو اكبر مسؤول بالدولة يتدخل وهو بيحلها بكل حب وحنان لبناته ,,


كلامي بكل شفافية بدون منمقات ولا رسومات بالحروف ولا نغمات بالكلمات أبي كلامي

يوصل مثل ما هو لاني أكتب وأحس اني قدامه طول الله بعمره ...



تعليقاتكن بنات الاحياء المظلومات المستبعدات تماما ( نبات وحيوان ) فقط عشان
نوصل للي نبيه وهو الوظيفة بأمر ملكي سامي كريم وندخل الوزارة بكل ثقة ..

ان شاء الله يتحقق مسعانا بالخير