بسم الله الرحمن الرحيم
اعضاء المنتدى
السلام عليكم

اول سطر بكتب فيه ـــــــــــــــــــــــــــــــــــــــــــ حسبي الله ونعم الوكيل ــــــــــــــــــــــــــــــــــــــ

السطور الثانية بكتب السالفة :

اليوم اشتريت بطاقة سوا ب 10 ريال ، علما انه رصيدي صفر ومافيه ولا هللة
المهم لما اشتريت البطاقة على طول تكلمت فيها كلها حتى فصل علي الجوال لإنتهاء الرصيد
لكن المفاجأة اني حصلت مقدار الخصم هو 9.96 ريال ،، طيب فين ال 4 هللات الباقية؟؟؟؟
حتضحكوا صح ؟؟؟
تقولوا هذه تدور على 4 هللات


بس المسألة ما تضحك ، لأنه 4 هللات على 4 هللات في كل مرة اشتري فيها بطاقة .... كم يطلع مجموع السرقة اللي تسرقه شركة الاتصالات؟؟؟؟

طبعا الواحد لما يشحن جواله ما حيجلس يحسب كم انخصم عليه وكم المفروض ينخصم عليه صح؟؟؟ بالتالي ما حيقدر يميز السرقة ، لكن لو مثل ما صارلي اليوم ، رصيدي صفر واشتريت ب10 ريال شحن وتكلمت فيها كلها مرة وحدة حأعرف انه المفروض ينخصم مني ال10 كاملة
مو 9.96 والباقي ملطوش تميعه شركة الاتصالات النصابة

الحين بجد انا مرة مقهورة ـ لأنه قبل سنة سرقوا مني تقريبا فوق 100 ريال ، كانوا يخصموا مني بدون سبب ، هلكتهم اتصالات وانا اقولهم وش سبب الخصم ، وكلهم يقولوا ما نعرف ،،، ورب الكعبة محد كان عارف وين العلة ،، يقولولي دخلتي ابواب وما ابواب ، وانا ما اخذت من ابواب شي ، وكل شوي تطلعلي رسالة الخصم ، وارجع اتصل وهكذا جلست زي 6 اشهر على هذا الحال ، في الاخير صلحوا المشكلة ، ووقف الخصم من عندي ، وطالبتهم باللي انخصم من رصيدي بدون وجه حق ، راح الموظف قالي بالحرف : مستـحيـــــــــــــــــــــــــــــل نرجعلك هو

بجد والله ما ادري وش اقول غير حسبي الله ونعم الوكيل


وسلامتكم