اقتباس:
المشاركة الأصلية كتبت بواسطة اللواء خالد
السلام عليكم ورحمة الله وبركاته
كيفكم يا اخوان ايش اخباركم
كان موعدي اليوم بمكافحة المخدرات
وحاب اقولكم وش صار معاي بالتفصيل
جهزت نفسي واخذت كل اوراقي معاي
وطلعت من البيت الساعه 6
والساعه 6.20 دقيقه وانا عندهم << راعي التكسي جنني يسرع ومايعرف يسوق ولاكن الله ستر
المهم
اول ماوصت كان الحضور قليل وكل مايمر الوقت يجون ناس
واحنا قالو انتظرو لين تجي اللجنه سآلنهم متى تجي قالو 7 وص
والله ننتظر لين الساعه 7 وشوي وبعدها جاء رئيس رقباء وعمنا وشلون نرتب الاوراق
طبعا يا اخوان الملف الاخضر لاحد يجيبه
يخلي اوراقه بيده
ورتبنا الاوراق على الشكل التالي
اول شي
ورقة الموعد الي تطبعها من النت
وبعدها صورة من البطاقه
وبعدها صورة من كرت العائله
وبعدها صورة من الثانويه العامه
وبعدها صورة من شهادة الحاسب الالي
وقال الي معاه شهاده اضافيه يضيفها عااادي
والي معاه رخصه قياده عمومي برضو يضيفها
المهم بعدها قالو روحو استريحو على الكراسي لين تجي اللجنه
وانتظرنا وبعدها يدخلونا اثنين اثنين عند رئيس رقباء يسآلك الحاسب حقك قبل الثانويه او بعد
ويكتب بورقة الموعد وبرضو يكتب النسبه
ويقول لك ارجع استريح مكانك لين تجي اللجنه حق الطول والوزن
وبعد ما خلصنا من البيانات
بدو ينآدو بالاسماء قياس طول ووزن
كان قدامي يمكن 4 في اثنين مشو واثنين طردهم
ونسيت اعلمكم الحضور كان فوق 60 تقريبا
ويوم جاء دوري
رحت قست الطول طلع طولي 169 وبعدها جلس يسآلني واحد مدني شكله السديس
وعلم على اوراقي بعلامة صح وقال لي انتظر جوه لين يعطوك الاوراق
بس حاب اقولكم يا شباب
انهم طردو ناس كثير بسبب الشهاده حق الحاسب الالي
لازم تكون معتمده من المؤسسه العامه للتدريب التقني والمهني
وثاني شي لازم تكون بعد الثانويه
الي انقبلو كلهم 22 وانا الحمدلله من ظمنهم
ملاحظه
الي خايف من وزنه
حاب اطمنوو
ما يقيسو الوزن
عندهم اهم شي الطول
في ناس وزنهم ناقص ومشو وفي ناس شفتهم وزنهم زايد ومشو
لانهم مايدققو بالوزن
بعدين طلعنا فوق عشان ناخذ الاوراق ويسآلك وين تبي الفحص
ويعطونا الاوراق ويقول حاولو تخلصوها بسرعه عشان مافي وقت
لآن قال تسليم الاوراق رااح يكون قريب حاولو تخلصو اموركم بسرعه
والي فهمته منو
من يوم 12 لين يوم 15 نتابع الموقع لاجل نشوف الموعد حق تسليم الاوراق والمقابله الشخصيه
وبالاخير
اتمنى تدعون لي بآجتياز الفحص الطبي والمرحله الثانيه
|
ماشاء الله , الله يوفقنا وياك بالقبول النهائي