يعني ما معك 4000 ريال ؟
ابدأ من الصفر ولا تبدأ من فوق وتطيح .. ابدأ من تحت وتدرج الى ان توصل الـ 100 الف ..
اشتر سيارة 4000 ريال وابدأ الشغل فيها .. حتى كتجربة ومع الوقت طور نفسك
اما انك تحمل نفسك ديون من البداية .. فهذا اشوف انه خطأ وماراح يفيدك كثير لأن ربحك بيروح في تسديد ديونك
فيه سيارات كثيرة مستخدمات على 5000 ريال وفوق .. فما بالك بالمصدوم
حتى لو تشتري من الحراج وتبيع ثاني يوم بتلاقي مكسبك .. بس اهم شيء انك تشتري من برى من البرحة مثل ما يقولون وتنق الزين والرخيص
وكسر راس راعيه وبعه ثاني يوم بمربح اقل شيء 1000 ريال .. وانت كسبان .. واهم شيء تدرس السوق وتشوف المواتر اللي عليها طلب كثير وتاخذ منها
مثل التويوتا والنيسان والفورد والشفر ..

حتى لو كان قديم .. خلها كتجربة واذا نجحت ابدأ بتطوير نفسك بشيء افضل وهكذا حتى توصل للي تبيه
وارسم وخطط وادرس المشروع من جميع جوانبه واسأل وانزل السوق وشف وقارن
وبعدها توكل على الله عز وجل .. ومن توكل على الله فهو حسبه

ابدأ من الصفر مثل العم دماغ والعم الواالي .. واقرأ قصصهم وبتلاقي الفائدة الكبيرة
ومواضيعهم في هالقسم مثبته

الله يوفقك ويسدد خطاك في مشروعك وحياتك

..