السلام عليكم ورحمة الله وبركاته اليوم ي شباب رحت لـ الطوارئ الخآصة ب الجوف .. وقلت ب اقدم على رتبة جندي أول المهم رحت وقفت عند البوأبة ولقيت عآلم عندهم مشيت لـين البوابة وقف بوجهي عسكري قال وين رآيح قلت ب اقدم ي طويل العمر " قال ورني شهادة الحآسب " قلت معي مشهد قال مايمشى قلت ي رجآل انا خالص من الحآسب الالي بس ب [ 8/5/1433هـ ] يعطونيآهآ بس يطبعونهآ .. قال ادخل بس صدقني ماتستفيد شي قلت ب اجرب ي طويل العمر كل قيييييييييدام اجل .. دخلت ونظمونآ وقالوا لنآ ي شباب ترآ اللي مامعه شهاده حآسب ولآ طوله 170 سم وفما فوق يرتآح عند آهله ولآ نبي نضيع وقته اما اللي يبي يجلس ويقضى وقت حيآه الله .. ونآس مشوأ كثير ونآس اطردوهم كثير عشان طول ووزن واللي معه مشهد .. المهم لــقيت اخوياي ب الطوارئ قدامي جنود اوائل وسلمت عليهم وقالوا ان شاءالله تصير خوينآ ب الطوارئ . ودخلت ولقيت واحد يقاله " النقيب / بدر العتيبي " وسلمت عليه وقال وش معك قلت معي مشهد وقآسوا طولي تخيلوأ ي شباب طولي المعروف اللي بكل قطاع عسكري اقدم فيه 180 سم نزلوه وخلوه بس 175 سم ؟؟ ولآ تكلمت !! قال لي المشهد م يصلح لازم الشهاده قال طيب السبت الجآي تعال !! قلت الارقآم بيخلصن واللي طآلبين بس 50 رقم " وفيه معي نآس طولهم 170 ونقصوهم لـين 165 سم !!! ي رجال الوآسطة تلعب دورهآ المهم : اخذت ملفي ولقيت وكيل رقيب خـويي ومعه قآيد القوآت < يعني كل الطوارئ نصهم اخوياي قالوا وش صار قلت السالفه كذا وكذا قالوا ازهلها ي شنب ي شباب والله واحد دق وبس ب اتصال واحد دقوا علي وانا عند البوابة قالوا لي ترآ محجوز لـك " رقم " بس تعال الاسبوع الجآي عشان تجيب الشهاده معك حقت الحآسب قلت ابشر طآل عمرك .. المهم وانا طالع صادفت واحد وكيل رقيب من الجماعة .. سالته قلت وش معنى مكتوب التقديم على [ رتبة جندي اول مكتمل ] !! وش معنى مكتمل الحين ؟ قالي ب الحرف الواحد : ذي ي طويل العمر لو تجيك رتبة جندي مكتمل قسم بالله فله قلت ليش؟ قال لآن اول التعيين بعد الدوره يصير رأتبك " 8150 ريال " وبعدهآ ب اربع شهور يصير رأتبك 8850 ريال وبعد سنتين تترقى لآن كلمه [ مكتمل ] بجنب الرتبه تعني انك عـريف لآن مافيه عرفاء ب الطوارئ الخآصة ويبون عرفآء ومثلك عآرف الترقية ب الطوارئ صعبه جدآ .. وقال بعد اول تعيينك بعد سنتين ب الضبط على رتبة " عريف " يصير رآتبك 9850 ريال وبعد ترقيتك ب اربع شهور يصير راتبك 10150 ريال قلت بالله الحين ذي معنى كلمه مكتمل قال اي اي ذي معناها .. لآن مافيه احد من اصحاب الدبلومات جآنآ او الجآمعيين قلت انزين : وش احسن الامن العآم او هي قال هذا انا وكيل رقيب فيهآ ومرتآح ومستآنس ماقول هالكلام هذا عشان تروح لـهآ بس هي ب الذات 50 % كلهآ رواتب ضخمه وفـله اما الامن العآم صحيح انهآ راحه بس مايخذون الا 25 % ب الرواتب يقول بيني وبينك لو تجيك ماتبي غيرهآ قلت ان شاءالله تتيسر لو فيهآ خير لي بتجيني ملآحظة / اللي معه شهاده حآسب الي او نجاره او تجأرة سباحة وغوص او انجليزي هم يبون اي شهاده ست شهور اهم شي انها معتمده وبس .. واذكر واحد عمره معنآ 29 وبآقي له شهرين ويصير 30 وقالو له عآدي اهم شي انه ماهو فوق الـ 30 عآم مشكورين واسف على الاطالة .. بس حبيت اقولكم وش صار معي ب الطوارئ امس السبت .. لكم وودي