حالتك أقل من حالتي أنا تعرضت للطرد والأهانات والطلبات التعجيزيه
بسبب ان مكتب العمل يجبر الشركات بتوظيف السعوديين وهم أصلا ماعندهم لنا محل ويجون يطفشون بالموظف انا مره واحد مدير قال لي انصحك تترك العمل قال انا و تعبان من الشركة ومدري ايش ومواقف ترفع الضغط والله لو انك في بلد غير بلدك ماكان صار لك مثل المصخره الي قاعد تصير في بلدنا وغيره مره تعرضت للسب بسبب غلط تاقه تخيل !! ومواقف كثييييييير... والا طايحين الشركات بهالحركه أذا بغو يطفشونك مثلا أذا كنت ,مبيعات , سكرتير, محاسبة والاأداري يجيك ويرسلك مشاوير خاصه ؟؟ !!! روح سو كذا روح مدري ايش روح أشتر دجاج أو وده للبيت حقي مو ناقص الا يقول لك انا بالحمام تعال وضني , سلامااااات أشتغل عند ابو امك انا والله ثم والله هاذي 1 % من المواقف الي صارت لي بالوظايف الي أشتغلتها وفيه مواقف والله يشيب منها شعرك بس خلها على ربك والله الحال مايعلم فيه الا الله حتى جوالي أنقطع ماقدرت أسدده جيبي مافيه حتى ريال رجال ماعنده ولا ريال ؟؟ لو لا الله ثم وجود أهلي كان نمت على الرصيف وظايف مافيه أسعار الأجارات ماشاء الله نااارمواد غذائية غاليه كهرب غالي فواتير المياه وفواتير الكهرب الهاتف من أغلى بلدان العالم أنا مايقهرني الأ ذولي الي يقول بلدنا بخير ونعمه والحكومه ماقصرت الي يقول هالكلام لا يضحك على نفسه يجي يشوف حال شبابنا حتى البنات صارو أرجل على الأقل البنت تخدم بالبيت وتفيد أهلها لكن حنا عاله على أهلنا حتى الحيوانات يستفيدون منهم فيه أنتاج لكن حنا ناخذ مانعطي هذا يسبب ضعف في الأقتصاد لما يصير عندك عاطلين عن العمل لاتستفيد منهم ولا تفيدهم راح تكثر الجرايم والمخدرات بيصر الواحد بالشارع مايامن على نفسه بلدنا خلاص هذي مو لنا للأجانب انا وانت والآف مثلي ومثلك وغازي القصيبي ماعنده ماعند جدتي بس فالح لي يطلع ويصرح وهو مايدري وين الله حاطه أصلا الشرهه مو عليه على الي حطه الي حطه مايفهم ..



قال أيش قال سعوده .. والله مزبله

والله لو تحصل لي فرصه هجره لأي دوله والله ماراح أنتظر دقيقة أن شاء الله بنغلادش على الأقل فيه حريه الواحد يقدريعبر عن رايه