اقتباس:
المشاركة الأصلية كتبت بواسطة عاطلة بالفطرة
 هذي النهاية طيب وين البداية
ليه
ليه
ليه
رحلتي دون علمي
عمرك مانسيتيني في طلعاتك
اذكر بالصيف كنتي تلفيني بعباتك
تخافين على عيوني
من سموم القيظ
تمسحين بكفوك خدودي
واحس بالارض تهتز من رجفاتك
كله ذا خوف يايمه من خوفك
غبار الصيف بين شعراتك
لاتخافين يايمه ابلحق راسك
واغطي عن الطريق شيباتك
ايه عليك اغار
ياعطر الكون ياشمعة الدار
تكفين يايمه
قومي قولي ليه رحلتي
يكفيني عذرك لو بوجهي تبسمتي
قومي هذي ردتي من المدرسة
الجوع قهرني اهدده فيك يايمه
قومي اباكل من يدك
ابشرب عطر كفوفك يانهر
واسبح بعيونك يابحر
قومي الشنطة كسرت ضلوعي
كلهم ربعي اليوم طقوني
شوفي جبيني دم
ارتكز بين المحاجر سهم الهم
قومي إبشمك على البارح
انفاس الهروب
سافرت مافهمت وداعها بعينك
من صباح العصافير
قمت ضجة الزوايا بخالاتي
واركض لغرفتك تسبقني عبراتي
ويلحقني الخوف يبعثر شتاتي
مقفولة غرفتك يايمه
من متي يردني عنك خشب ومفتاح
كل الحضور يلاحقني ويهدي روعاتي
امك نايمه لاتزعجها
خلها تنام مابها شر بس ماتشيلها العظام
ويخذوني غصب على كتوفهم شالوني
مدرسة اختبارك النهائي
لبسوني ثوبي وبظافرهم اجرحوني
وينك يالحنونه حتي في لبسي تدلعيني
صح انتي تودعيني
طيب منهو يناديني
منهو يقولي ياعيني
قومي دخيلك جبت لك بالشنطة
سجادة صلاتك
قومي صلي بــ صلى وراك
اوعدك ما اضحك مثل أول
شوفيني ابكي
ياحنونه ارحمي دموعي المجنونة
ليه قسى قلبك يعني صوتي
ما حرك حنينك وحبك
رجيتك دقيقة بس شوفي دفتري
رسمتك اليوم صبح تكفن بشمس الغروب
كتبتك صرخة تنعيها كل الدروب
بردان يمه خايف من ظلام الغربة
من بعدك يحكمني اكيد بيعذبني
قومي الشمس حارقة
قومي وافصخي الكفن فستانك
خبيته تحت صدري
بــ الفصل طيبك فضحني
يقولون لي اتطيب بطيب الحريم
وانا اكذب واحلف هذا طيب
امي اليوم الصبح ضمتني
فطرتني مادريت إلا دمعتي
اسبقتني هذا اول صباح
امي فيه ما عوذتني يمه
صوتك وانتي تقرين القران يهبل
يخلي كل الشياطين ترحل
قومي
ماتقدرين تقومين
طيب انتي تسمعين
بنام جنبك خذيني بحضنك
بنام مثل اول على يدك اليمين
بعيش بجوفك ياحنونه كل السنين |
........................................
حرام عليك خنقتني العبرة من الصورة ومن اللي كتبتية والله انا شفتها قبل اشوف ماكتبتية وتعبتني حيل بصراحة وجيت ولقيت ردك وكان على مافية الا اه قال عنها وحرر نغسي من بعض المها لله درك من شاعرة ناثرة وناظمة قادرة مرهفة الحس انتي واستاذة يجب ان يعرف عنها الجميع انها شاعرة ومتمكنة ولها ثقل كبير في الكلمة وادواتها هنيا لنا بوجودك بيننا واسمحي لي تراني كتبت بلاتحفظ ولا فنيات من قلبي .
سلمتي
على فكرة فيه نص مسرحي عن قصة رهف البنت اللي نشرت قصتها الصحف . ساهديك ايها انتي والاخوة والاحباب هنا
سلمتي