مرحبا بنات ..

أنا طابقت أمس الثلاثاء بالقصيم ..
دخلت تسع ونص ومافيه ألا بنتين وأنا الثالثة
وناسه

فيه ثلاث موظفات يفرحن باللي يدخل عليهم
رحت سيدا للموظفة الفاضية تعاملها جدًا حلو ومحترمه مره
قالت لي نقليني سجلك المدني وهي تكتبه بالكمبيوتر
بعدين قالت أسمك عطيتها أسمي
قالت لي رقم جوالك كذا وكذا قلت ايه قسمك أقتصاد منزلي قلت أيه ..
قالت عطيني كرت العائلة مع الصورة وبعدين الوثيقة مع الصورة
وأخذت الصور وعطتني الأصل ..
بعدين طبعت ورقتين اللي كانت تقرى منهم معلوماتي وحده وقعت عليها ووقعت عليها ودبستها مع الصور
والثانية وقعت عليها وقالت خليها معاك ..
قلت لها ابي اعرف مكان التعيين قالت أن شاء الله على آخر 5 تجيك رسالة ..
وعادي ما عندها أي مانع تجاوب على أي تساؤل تبغينه ...
كنت أبي اسألها بس مدري وش اسألها كل شي سألته واتذكر قلت البنات وش يبون بس عجزت اتذكر شي
لأن ما ادخل لكم يوميًا ..
شكلها هي مستغربه تقول خلصنا يوم جيت ابمشي وتعطين مطوية تعريف عن الخدمة المدنية وش لها وش عليها ..
فيه أعلان وظائف وترشيح ومطابقة ..
بس اللي انتبهت منه انه بعد المطابقة يعلنون الأسامي بالصحف والنت بالأضافة لرسائل الجوال
مكان التعيين ومن ثم المقابلة ..
وبس ..
بالتوفيق للي طابقوا واللي باقي ما طابقوا ..