صباحكم معطر بريح الخزامى احبابي اعضاء وعضوات وزوار منتدى حلول البطاله القميل عندي موضوع بسيط وبنفس الوقت مهم وابي نتناقش فيه وكل واحد يقولنا رايه كلنا عندنا احلام وطموحات وتطلعات للمستقبل سواء صغير او كبير بين قوسين((شباب وشابات وشيبان وعجايز امثالنا هع)) الموضوع هو الشغل او بمعنى اخر التجارة فيه ناس جرحوني بكلمه ومن هالجرح حبيت اطرح هالموضوع عليكم هل تعتبرون من يبحث عن شغل تجاري سواء كبير اوصغير تشوفونه عيب؟؟ يعني تعتبرون الي يشتغل بالتجاره انسان محتاج؟ وماهي نظرتكم للمرأة التي تهوى التجارة ودخلت هالمجال سواء بمبلغ كبير او صغير وايا كان نشاطها المهم انه بيع وشرى هل هالشي تعتبرونه عيب بحقها ؟ فيه ناس استحقرو شغلي وخاصه لما عروفو اني توني بالبدايه يعني لي بس سنه او اقل واستحقرو اني ابي اطور نفسي ومن ظمن هالتطور اني اسوي لي كراتين واحط لي شعار رغم انها بفلوسي يعني ماشحت من احد انا هنا اتكلم للعموم مو عني انا فقط اتمنى الكل يدلى بدلوة ويقولنا رأيه بهالموضوع